अपात्र होणाऱ्याच व्यक्तीला मुख्यमंत्री करण्यात आलं, निवडणूक आयोगावरही गंभीर आरोप..
शिवसेना चिन्ह आणि पक्षावर आज कोर्टात सुनावणी पार पडली. कपिल सिब्बल यांनी यादरम्यान जोरदार युक्तीवाद केला. यादरम्यान त्यांनी अनेक प्रत कोर्टात दाखवत गंभीर आरोप केले.
शिवसेना पक्ष आणि चिन्ह मुद्द्यावर कोर्टात सुनावणी झाली. या सुनावणीदरम्यान मोठ्या घडामोडी घडताना दिसत आहेत. शिवसेना ठाकरे गटाचे वकील कपिल सिब्बल यांच्याकडून कोर्टात जोरदार युक्तीवाद केला जात आहे.
कपिल सिब्बल यांनी युक्तीवाद करत कोर्टात म्हटले की, निवडणूक आयोगाकडे कोणतेही अधिकारक्षेत्र नसताना त्यांनी एकनाथ शिंदे यांना लाभ मिळून देण्यासाठी अधिकारबाहेर जाऊन निर्णय घेतला.
सलग पाचव्या दिवशी ठाकरे गटाकडून कोर्टात सिब्बल यांनी युक्तीवाद केला. निवडणूक आयोगाचा निर्णय कसा चुकीचा होता, हे कोर्टात सांगताना कपिल सिब्बल दिसले.
कपिल सिब्बल यांनी म्हटले की, एकनाथ शिंदे यांच्या बंडाने शिवसेनेत दोन गट पडले. त्यावेळी निवडणूक आयोगाने पक्ष आणि चिन्ह थेट शिंदेंना दिले.
एकनाथ शिंदे यांना फक्त आमदारांच्या संख्येवरच मुख्यमंत्रिपद देण्यात आले. पण मुळात ग्राऊंटवर परिस्थिती खूप जास्त वेगळी होती. दहाव्या सूचीनुसार, अपात्र ठरणाऱ्या व्यक्तीला संख्येंच्या आधारे मुख्यमंत्रिपद देण्यात आले.
