QWERTY फॉरमॅटमध्ये का असतात की-बोर्डची बटणे ? कोण होता त्याचा शोधकर्ता, जाणून घ्या
कॉम्प्युटर अथवा लॅपटॉपच्या की-बोर्डवरील बटणे अल्फाबेटिकली न लिहीता QWERTY फॉरमॅटमध्ये का असतात, ते समजून घेऊया
Follow us
आजकाल बहुसंख्य लोक कॉम्प्युटर अथवा लॅपटॉपवर काम करत असतात. पण त्या की-बोर्डची बटणे अल्फाबेटिकली नसतात तर ती QWERTY फॉरमॅटमध्ये असतात. या कीज (Key) अशा का असतात हे माहीत आहे का ? याबद्दलची पूर्ण माहिती जाणून घेऊया.
तुमच्या लक्षात आले असेल की कीबोर्डवरील अक्षरांचा क्रम हा थेट ABCD क्रमाने होत नाही तर QWERTY मध्ये असतो. QWERTY हा सर्वात जास्त वापरला जाणारा कीबोर्ड लेआउट आहे.
ख्रिस्टोफर लॅथम शोल्स यांनी 1873 मध्ये QWERTY कीबोर्डचा शोध लावला होता. टायपिंगचा वेग सुधारेल आणि टाइपरायटरवरील की (Key)जाम होण्यापासून रोखेल असा कीबोर्ड तयार करण्याचा प्रयत्न ख्रिस्टोफर करत होते.
लोकांसाठी टायपिंग सोपे व्हावे तसेच टायपिस्टना पटकन आणि सहज अक्षरे शोधता यावीत, हे QWERTY लेआउट तयार करण्याचे आणखी एक कारण होते.
कालांतराने, QWERTY कीबोर्ड लेआउट मुख्यतः टाइपरायटरवर वापरला जाऊ लागला आणि नंतर कॉम्प्युटर कीबोर्डसाठी देखील स्वीकारला गेला.
टायपिंगचा वेग कमी करण्यासाठी QWERTY लेआउटवर टीकाही केली गेली. परंतु असे असूनही, हा लेआउट आजपर्यंतचा सर्वाधिक वापरला जाणारा कीबोर्ड लेआउट आहे.