Nana Patekar Village Life : अफाट पैसा आणि स्टारडम असूनही नानांना गावच का आवडायचं? बिग बींना सांगितलेलं कारण तुम्हालाही थक्क करेल
अफाट पैसा आणि स्टारडम असूनही नाना पाटेकर यांना गावच का आवडायचं? अमिताभ बच्चन यांना सांगितलेलं कारण, फार्महाऊस आणि साध्या जीवनाविषयी जाणून घ्या.
अभिनयाच्या दुनियेत अफाट यश, पैसा आणि प्रसिद्धी मिळवूनही नाना पाटेकर यांचं मन मात्र कायम गावाकडच्या साध्या जीवनात रमलं होतं. निसर्ग, शेती आणि शांत वातावरण यांच्याशी त्यांचं खास नातं होतं. अमिताभ बच्चन यांच्यासोबतच्या एका संवादात त्यांनी गावात राहण्यामागचं खास कारण सांगितलं होतं.
नाना पाटेकर यांना शहरातील झगमगाटापेक्षा गावाकडचं साधं आणि शांत आयुष्य अधिक भावायचं. अभिनयासाठी मुंबईत येणं आणि काम झाल्यानंतर पुन्हा आपल्या गावाकडे परतणं, अशी त्यांची जीवनशैली होती.
पुण्यातील खडकवासला परिसरात नाना पाटेकर यांचं मोठं फार्महाऊस होतं. तब्बल 27 एकर परिसरात पसरलेल्या या ठिकाणी ते शेती करत आणि निसर्गाच्या सान्निध्यात वेळ घालवत.
फार्महाऊसवर शेतीसोबतच गायी आणि म्हशीही होत्या. मोठा स्टार असूनही नानांनी ग्रामीण जीवनाशी असलेली नाळ कधीच तुटू दिली नाही.
‘कौन बनेगा करोडपती’च्या मंचावर अमिताभ बच्चन यांनी नानांना गावात राहण्यामागचं कारण विचारलं होतं. त्यावर आपण सिनेसृष्टीचा भाग नसून केवळ कामासाठी येतो आणि पुन्हा आपल्या जगात परततो, असं त्यांनी सांगितलं होतं.
नाना पाटेकर यांनी साध्या जीवनाचं महत्त्वही सांगितलं होतं. “गरजा मर्यादित करणं खूप सोपं आहे,” असा त्यांचा विचार होता. शहराच्या भिंतींऐवजी आपल्या घराभोवती डोंगर आहेत आणि त्यातच आपण सुखी असल्याचं त्यांनी म्हटलं होतं.
