Devendra Fadnavis: चर्चा तर होणारच! ना घोडा, ना ताफा… इंधन बचतीचे आवाहन…मुख्यमंत्री फडणवीस यांनी मग असे गाठले विधानभवन
Devendra Fadnavis on Bike: पंतप्रधान नरेंद्र मोदी यांनी जनतेला बचतीची त्रिसूत्री दिली. पेट्रोल आणि डिझेलची बचत करा, सोने खरेदी करू नका आणि खाद्यतेलाची बचत करा असे आवाहन त्यांनी केले. मुख्यमंत्री देवेंद्र फडणवीस हे आज विधान भवनात बाईकवरून आले.
Devendra Fadnavis on Bike in Vidhan Bhavan: पंतप्रधान नरेंद्र मोदी यांनी देशवासियांना इंधन बचतीचे आवाहन केले आहे. पेट्रोल आणि डिझेलची बचत करा असे आवाहन त्यांनी केले. सत्ताधाऱ्यांनी त्याला प्रतिसाद दिला आहे. आज मुख्यमंत्री देवेंद्र फडणवीस विधानभवनात बाईकने आले.
विधान भवनात आज मुख्यमंत्री देवेंद्र फडणवीस हे हेल्मेट घालून बाईकवर आले आहेत. त्यांच्या पाठीमागे नेते आशिष शेलार हे होते. त्यांची एंट्री होताच सर्वांनाच आश्चर्याचा धक्का बसला. यावेळी अधिकारी आणि कर्मचाऱ्यांची लगबगही दिसून आली.
वर्षा बंगल्यावरून मुख्यमंत्री देवेंद्र फडणवीस हे बाईकवरून निघाले. त्यांच्या पाठीमागे मंत्री आशिष शेलार हे होते. पंतप्रधान नरेंद्र मोदी यांच्या आवाहनाला प्रतिसाद म्हणून बाईकवरून विधान भवनात आल्याची प्रतिक्रिया मुख्यमंत्री देवेंद्र फडणवीस यांनी माध्यमांना दिली. तर यावेळी त्यांनी विरोधकांवर टीकाही केली.
बुधवारी इंधन आणि परकीय चलन बचतीसाठी मुख्यमंत्र्यांनी कॅबिनेट बैठकीत मोठे निर्णय घेतले. त्यासाठी दोन उच्चस्तरीय बैठका घेण्यात आल्या. या बैठकीत मुख्यमंत्री फडणवीस यांनी उपाय योजनांचा आढावा घेतला. त्यानुसार, मुख्यमंत्र्यांसह सर्व मंत्र्यांच्या ताफ्यातील वाहनांची संख्या अर्ध्यावर आणण्यात आली.
मुख्यमंत्र्यांसह सर्व मंत्र्यांच्या ताफ्यातील वाहनांची संख्या अर्ध्यावर आणण्याचे ठरले. मंत्री -अधिकारी यांनी विदेश दौरे करू नयेत असे ठरले. अत्यावश्यक नसेल तेव्हा शासकीय विमान, हेलिकॉप्टरऐवजी नियमीत विमानसेवेचा वापर करण्याचे आवाहन करण्यात आले.
मंत्री-अधिकाऱ्यांनी सार्वजनिक वाहतुकीचा वापर वाढवावा. पहिल्या टप्प्यात किमान एक दिवस तरी सार्वजनिक वाहनांनी प्रवास करावा. बैठकांसाठी व्हिडिओ कॉन्फरन्सिंग सुविधेचा वापर करावा असे आवाहन कालच्या बैठकीत करण्यात आले.
उपमुख्यमंत्री एकनाथ शिंदे यांनीही इलेक्ट्रिक वाहनांचा वापर सुरू केला आहे. तर मंत्रिमंडळातील इतर नेत्यांची वाहनंही पेट्रोल-डिझेलवरून इलेक्ट्रिक वाहनांवर शिफ्ट झाली आहेत. काही ठिकाणी सार्वजनिक वाहतूक व्यवस्थेचा वापर करण्यात येत आहे. काल मंत्री अतुल सावे हे तर मंत्रालयात पायी चालत आल्याने चर्चा रंगली.
