प्रताप सरनाईकांनी घेतलेल्या ‘टेस्ला’ कारचे जबरदस्त फिचर्स, किंमत तर पहाच!
शिवसेनेच्या (शिंदे गट) प्रताप सरनाईकांनी देशातील पहिली 'टेस्ला' कार विकत घेतली आहे. या कारचे फीचर्स जबरदस्त आहेत. टेस्लाच्या मॉडेल वायचे फिचर्स आणि त्याचप्रमाणे त्याची किंमतही जाणून घ्या..
राज्याचे परिवहन मंत्री प्रताप सरनाईक यांनी भारतातील पहिली टेस्ला कार विकत घेतली आहे. ही जगविख्यात इलेक्ट्रिक कार घेऊन त्यांनी त्यांच्या नातवाचं स्वप्न पूर्ण केलं. नातूला 'टेस्ला'ची कार प्रचंड आवडत असल्याचं पूर्वेश सरनाईक यांनी सांगितलं.
टेस्लाची 'वाय' मॉडेलची देशातील पहिली कार सरनाईकांच्या घरात आली आहे. या कारची किंमत जवळपास 60 ते 70 लाख रुपयांच्या घरात आहे. टेस्लाची 'वाय' मॉडेलची कार ही भारतात विकली जाणारी पहिली कार आहे. याची आयात चीनमधून करण्यात आली आहे.
मॉडेल Y मध्ये Long Range RWD आणि Long Range AWD (Dual Motor) हे दोन प्रकार आहेत. रेंज आणि परफॉर्मन्स ही त्याची वैशिष्ट्ये आहेत. एकदा पूर्ण चार्ज झाल्यावर ही कार जवळपास 574 किलोमीटरपर्यंत धावते.
तसंच ती फक्त 4.6 सेकंदात 100 किमी प्रतितास वेग वाढवू शकते, ज्यामुळे ही कार अत्यंत चपळ इलेक्ट्रिक एसयूव्ही म्हणून ओळखली जाते. यावर्षी जुलै महिन्यात 'टेस्ला'चं भारतातील पहिलं शोरुम मुंबईमध्ये सुरू झालं. त्यानंतर सरनाईकांनी पहिली कार विकत घेतली.
विशेष म्हणजे मुंबईतील बीकेसी परिसरातील टेस्लाच्या या शोरुमचं उद्घाटन मुख्यमंत्री देवेंद्र फडणवीस आणि परिवहन मंत्री प्रताप सरनाईक यांच्या हस्तेच झालं होतं. या शोरुममध्ये टेस्लाचे मॉडेल 3, मॉडेल Y आणि मॉडेल X उपलब्ध आहेत.
