शबाना आझमी-जावेद अख्तर यांच्याकडे कोट्यवधींची संपत्ती; आकडा वाचून विस्फारतील डोळे!
Shabana Azmi And Javed Akhtar Net Worth: अभिनेत्री शबाना आझमी या जंतर-मंतरवरील विद्यार्थ्यांच्या आंदोलनात सहभागी झाल्या होत्या. मात्र आंदोलनादरम्यान तब्येत बिघडल्याने त्यांना तिथून निघून जावं लागलं होतं. शबाना आझमी आणि त्यांचे पती, ज्येष्ठ गीतकार जावेद अख्तर यांच्याकडे किती संपत्ती आहे, ते जाणून घेऊयात..
शबाना आझमी हे गेल्या पाच दशकांपासून सिनेसृष्टीत सक्रिय आहेत. 70 आणि 80 च्या दशकात त्यांनी अनेक चित्रपटांमध्ये दमदार भूमिका साकारल्या आहेत. इतकंच नव्हे तर पहिल्याच चित्रपटासाठी त्यांना सर्वोत्कृष्ट अभिनेत्रीचा राष्ट्रीय पुरस्कार मिळाला होता. त्यांचे पती जावेद अख्तरसुद्धा चित्रपटसृष्टीतील प्रसिद्ध गीतकार, पटकथालेखक आणि शायर आहेत.
शबाना आझमी आणि जावेद अख्तर यांनी 1984 मध्ये लग्न केलं होतं. चित्रपटसृष्टीत सक्रिय असण्यासोबतच दोघं विविध सामाजिक मुद्द्यांवरही मोकळेपणे व्यक्त होतात. शबाना आझमी स्वत: विविध सामाजिक कार्यात सहभागी होतात. या दोघांची एकूण संपत्ती जवळपास 206 कोटी रुपये इतकी असल्याचं कळतंय.
'कोईमोई'ने दिलेल्या वृत्तानुसार, जावेद अख्तर यांची एकूण संपत्ती जवळपास 167 कोटी रुपये इतकी आहे. तर शबाना आझमी यांच्या संपत्तीचा आकडा 40 ते 42 कोटी रुपये इतका आहे. याशिवाय दोघांनी रिअल इस्टेटमध्ये चांगली गुंतवणूक केली आहे.
शबाना आझमी आणि जावेद अख्तर यांचं मुंबईतील जुहू परिसरात घर आहे. याशिवाय खंडाळामध्येही त्यांचं एक फार्महाऊस आहे. दोघांनी नुकतंच जुहू परिसरात जवळपास 7.76 कोटी रुपयांचं आलिशान अपार्टमेंट खरेदी केलं आहे. जुलै महिन्यातच त्याची नोंदणी झाली आहे.
जावेद अख्तर यांनी 2021 मध्येही याच परिसरात एक अपार्टमेंट खरेदी केलं होतं. शबाना आझमी या जावेद यांच्या दुसऱ्या पत्नी आहेत. जावेद यांच्या पहिल्या पत्नीचं नाव हनी इरानी आहे. या दोघांनी 1972 मध्ये लग्न केलं होतं आणि लग्नाच्या 12 वर्षांनंतर त्यांनी एकमेकांना घटस्फोट दिला. पहिल्या पत्नीपासून विभक्त झाल्यानंतर जावेद यांनी शबाना यांच्याशी दुसरं लग्न केलं होतं.
