AUS vs IND : विराट आता होऊनच जाऊदे, रविवारी किंग कोहली शतक करणार?
Virat Kohli vs Australia Odi : विराट कोहलीची गेल्या 5 एकदिवसीय डावात ऑस्ट्रेलिया विरुद्ध बॅट चांगलीच तळपळी आहे. मात्र विराट 5 डावात अर्धशतक करुनही शतक करण्यात अपयशी ठरलाय. त्यामुळे विराटकडून पर्थमध्ये शतकी खेळीची आशा आहे.
टीम इंडियाचा अनुभवी फलंदाज विराट कोहली आयसीसी चॅम्पियन्स ट्रॉफी फायनलनंतर वनडे क्रिकेटमध्ये ऑस्ट्रेलिया विरुद्ध कमबॅक करण्यासाठी सज्ज आहे.उभयसंघातील पहिला एकदिवसीय सामना हा रविवारी 19 ऑक्टोबरला पर्थमध्ये होणार आहे. (Photo Credit : PTI)
विराटच्या कमबॅकमुळे क्रिकेट चाहत्यांना या मालिकेचे वेध लागले आहेत. विराटने ऑस्ट्रेलिया विरुद्ध एकदिवसीय क्रिकेटमध्ये उल्लेखनीय कामगिरी केली आहे. त्यामुळे विराटकडून या मालिकेतही अशाच कामगिरीची अपेक्षा असणार आहे. (Photo Credit : PTI)
विराटने ऑस्ट्रेलिया विरुद्ध गेल्या 5 एकदिवसीय सामन्यांमध्ये चाबूक कामगिरी केली आहे. विराटने ऑस्ट्रेलिया विरुद्ध पाचही डावात किमान अर्धशतकी खेळी केलीय. विराटने गेल्या 5 डावात अनुक्रमे 84, 54, 85, 56 आणि 54 अशा धावा केल्या आहेत. मात्र विराटला त्या खेळीचं शतकात रुपांतर करता आलेलं नाही. (Photo Credit : PTI)
विराटने या पाचही डावात 66 पेक्षा अधिकच्या सरासरीने एकूण 333 धावा केल्या आहेत. मात्र विराट या 5 पैकी एका डावातही शतक करु शकला नाही. त्यामुळे विराटकडून आता शतक अपेक्षित आहे. (Photo Credit : PTI)
विराटने एकदिवसीय कारकीर्दीत आतापर्यंत एकूण आणि सर्वाधिक 51 शतकं झळकावली आहेत. त्यामुळे आता सलग 5 प्रयत्नात अर्धशतक झळकावल्यानंतरही शतक करण्यात अपयशी ठरल्याने विराट ऑस्ट्रेलिया विरुद्ध सहाव्या वेळेस शतक करणार का? हे पाहणं औत्सुक्याचं ठरणार आहे. (Photo Credit : PTI)
