देवदत्त पडिक्कलचा गॉलमध्ये डंका! श्रीलंकन फिरकीला नमवत ठोकले पहिलेवहिले कसोटी शतक
श्रीलंकेविरुद्धच्या पहिल्या कसोटी सामन्यात देवदत्त पडिक्कलवर विश्वास सार्थकी लागला आहे. त्याने सराव सामन्यानंतर पहिल्या कसोटीत दणदणीत शतक ठोकलं आहे. त्याच्या शतकी खेळीमुळे टिम इंडिया सुस्थितीत आहे.
देवदत्त पडिक्कलने 134 चेंडूत 9 चौकार आणि 1 षटकार मारत शतक पूर्ण केलं. यावेळी त्याचा स्ट्राईक रेट हा 74.63 चा होता. देवदत्त पडिक्कलने तिसऱ्या कसोटी सामन्यातच शतक ठोकलं आहे. हे त्याच्या आंतरराष्ट्रीय क्रिकेट कारकिर्दीतील पहिलंवहिलं कसोटी शतक आहे. (Photo: BCCI Twitter)
गॉलमधील खेळपट्टी ही फिरकीसाठी अनुकूल मानली जाते. पण या खेळपट्टीवर देवदत्त पडिक्कलने चांगला जम बसवला. तसेच शतक ठोकलं. कसोटी मालिकेपूर्वी साई सुदर्शन दुखापतीमुळे खेळू शकणार नाही हे स्पष्ट झालं. त्यानंतर तिसऱ्या क्रमांकासाठी देवदत्त पडिक्कलला पसंती दिली गेली. त्याने या संधीचं सोनं करत संघातील दावा पक्का केला आहे. (Photo: BCCI Twitter)
तिसऱ्या क्रमांकावर फलंदाजी करताना कसोटी शतक झळकावणारा शेवटचा भारतीय फलंदाज शुबमन गिल होता. त्याने सप्टेंबर 2024 मध्ये चेन्नई येथे बांगलादेशविरुद्ध ही कामगिरी केली होती. (Photo: BCCI Twitter)
देवदत्त पडिक्कलने पडिक्कलने कोलंबो येथील सराव सामन्यात 142 धावांची खेळी केली होती. सराव सामन्यात आणि त्यानंतर लगेचच पहिल्या कसोटी सामन्यात शतक झळकावत एक विक्रम नोंदवला आहे. (Photo: BCCI Twitter)
सौरव गांगुलीनंतर देवदत्त पडिक्कल हा २१व्या शतकात भारतासाठी तिसऱ्या क्रमांकावर फलंदाजीला येऊन कसोटी शतक झळकावणारा दुसरा डावखुरा फलंदाज आहे. गांगुलीने 2002 मध्ये दिल्लीत झिम्बाब्वेविरुद्ध 136 धावा केल्या होत्या. (Photo: BCCI Twitter)
