0,0,0,0..! टी20 वर्ल्डकप स्पर्धेत भारतीय सलामीवीरांकडून निराशा, पाचव्या सामन्यात पुन्हा शून्य
टी20 वर्ल्डकप 2026 स्पर्धेत भारतीय सलामीवीरांनी क्रीडाप्रेमींची निराशा केली आहे. पहिल्या सामन्यापासून सुरू असलेलं शून्याचं वलय काही केल्या संपत नाही. सुपर 8 फेरीतही तेच चित्र पाहायला मिळालं.
टी20 वर्ल्डकप स्पर्धेच्या सुपर 8 फेरीत भारताची निराशाजनक कामगिरी राहिली. दक्षिण अफ्रिकन गोलंदाजांसमोर भारतीय फलंदाजांनी नांगी टाकली. या सामन्यातही सलामीवीरांना नकारात्मक सुरूवात करून दिली. पण यावेळी अभिषेक नाही तर इशान किशन होता. (Photo- Proteas Men Twitter)
टी20 वर्ल्डकप स्पर्धेच्या साखळी फेरीतील तीन सामन्यात अभिषेक शर्मा शून्यावर बाद झाला होता. त्यामुळे चाहत्यांचा भ्रमनिरास झाला होता. अभिषेक शर्माने सुपर 8 फेरीतील दक्षिण अफ्रिकेविरुद्धच्या सामन्यात 15 धावा केल्या. त्याची गाडी रूळावर येत नाही तोच इशानने नांगी टाकली. (Photo- PTI)
अभिषेक शर्मा या सामन्यात काय करतो? याकडे लक्ष लागून होतं. पण अभिषेकची जागा इशान किशनने भरून काढली. इशान पहिल्याच षटकात खातं न खोलता तंबूत परतला. त्यामुळे शून्याचा डाग पुन्हा एकदा सलामीवीरांवर लागला. (Photo- PTI)
टी20 वर्ल्डकप स्पर्धेच्या साखळी फेरीत अभिषेक अमेरिकेविरुद्ध पहिल्याच चेंडूवर, नामिबियाविरुद्ध खेळला नाही. पाकिस्तानविरुद्ध 4 चेंडू खेळला आणि शून्यावर बाद झाला. नेदरलँडविरुद्ध 3 चेंडूंचा सामना केला आणि खातं न खोलता बाद झाला. (Photo- PTI)
साखळी फेरीत इशान किशनची बॅट चांगलीच तळपली होती. त्यामुळे त्याच्याकडून फार अपेक्षा होत्या. त्याचा फॉर्मही जबरदस्त होता. पण दक्षिण अफ्रिकेविरुद्ध 4 चेंडू खेळला आणि शून्यावर बाद होत तंबूत परतला. (Photo- PTI)
