मिचेल स्टार्क भलत्यासलत्या आरोपांमुळे संतापला, आयपीएल 2026 स्पर्धेपूर्वी सुनावलं
IPL 2026, Mitchell Starc: आयपीएल स्पर्धेसाठी दिल्ली कॅपिटल्स फ्रेंचायझीने संघाची मजबूत बांधणी केली होती. पण स्पर्धा सुरू होण्यापूर्वी एक एक धक्के बसले आहेत. बेन डकेटने माघार घेतली. तर मिचेल स्टार्क खेळणार की नाही याबाबत साशंकता आहे.
आयपीएल 2026 स्पर्धा सुरू होणार असून दिल्ली कॅपिटल्सच्या चिंता वाढली आहे. कारण सलामीचा फलंदाज बेन डकेट याने स्पर्धेतून माघार घेतली. तर मिचेल स्टार्क अजूनही संघात रूजू झालेला नाही. दुखापतीमुळे त्याला संघासोबत रूजू होण्यास उशीर होणार असं सांगितलं जात आहे. (Photo- BCCI/IPL)
मिचेल स्टार्क अजूनही संघासोबत रूजू न झाल्याने दिल्ली कॅपिटल्सचे चाहते नाराज झाले आहेत. इतकंच काय तर सोशल मीडियावर त्याच्या कमिटमेंटबाबत प्रश्नचिन्ह उपस्थित केलं जात आहे. असं असताना मिचेल स्टार्कने आपलं म्हणणं थेट मांडलं आहे. (Photo- BCCI/IPL)
मिचेल स्टार्कने एक पोस्ट करत स्पष्ट केलं की, काही भारतीय मिडिया प्लॅटफॉर्म त्याच्या दुखापतीवर चुकीच्या आणि नको त्या प्रतिक्रिया देत आहेत. शरीराची जाण त्यांना अधिक असल्याचं दाखवत आहे. दुसरीकडे, पत्नी एलिसा हिलीने स्पष्ट केले की, स्टार्क सध्या दुखापतीमुळे त्रस्त आहे. (Photo- टीव्ही 9 हिंदीवरून)
मिचेल स्टार्कने लिहिलं की, "हंगामाच्या सुरुवातीच्या काळात उपलब्ध नसल्याबद्दल मी दिल्ली कॅपिटल्स संघ आणि चाहत्यांची माफी मागतो. ही वेळ संघासाठी आव्हानात्मक आहे, परंतु मी पूर्णपणे वचनबद्ध आहे. मी संघाच्या सतत संपर्कात आहे आणि शक्य तितक्या लवकर उपलब्ध होण्यासाठी सर्वतोपरी प्रयत्न करत आहे." (Photo- BCCI/IPL)
पॅट कमिन्स आणि जोश हेझलवूड हे दोन्ही ऑस्ट्रेलियन वेगवान गोलंदाज दुखापतग्रस्त असूनही आपापल्या आयपीएल संघांमध्ये सहभागी झाले आहेत. स्टार्कनेही असंच करावं असं चाहते सुचवत आहेत. पण स्टार्कने आपल्या निवेदनात स्पष्ट केले आहे की, त्याची दुखापत वेगळी असून तो ती चांगल्या प्रकारे हाताळत आहे. (Photo- BCCI/IPL)
