IPL 2026: पंजाब किंग्सने मोडला 16 वर्षे जुना विक्रम, सामना गमावला पण शेवटच्या 3 षटकात नोंदवला रेकॉर्ड
आयपीएल 2006 स्पर्धेतील 58व्या सामन्यात मुंबई इंडियन्सने पंजाब किंग्सला 6 गडी राखून पराभूत केलं. या पराभवामुळे पंजाब किंग्सचं प्लेऑफचं स्वप्न लांबलं आहे. पण असं असूनही 16वर्षे जुना विक्रम मोडीत काढला आहे. शेवटच्या तीन षटकात जे काही केलं ते यापूर्वी कोणताही संघ करू शकलेला नाही.
पंजाब किंग्सने आयपीएल 2026 स्पर्धेतील 58व्या सामन्यात 20 षटकात 8 गडी गमवून 200 धावा केल्या. तसेच विजयासाठी 201 धावांचं आव्हान दिलं. मुंबई इंडियन्सने 4 गडी गमवून 19.5 षटकात हे आव्हान पूर्ण केलं. हा सामना पंजाब किंग्सने गमावला, पण एक मोठा विक्रम शेवटच्या तीन षटकात नोंदवला. (Photo: BCCI/IPL)
मुंबई इंडियन्सविरुद्धच्या सामन्यात पंजाब किंग्सने सावध सुरूवात केली. त्यानंतर धावांची गती वाढवली. पण मधल्या षटकात डाव गडगडला. त्यामुळे पंजाब किंग्स 180 धावांच्या आत गुंडाळली जाईल असं वाटलं. पण शेवटच्या तीन षटकात पंजाब किंग्सने कमबॅक केलं आणि धावांचा डोंगर रचला. (Photo: PTI)
पंजाब किंग्सने 17 षटकात 7 गडी गमवून फक्त 147 धावा केल्या होत्या. पण शेवटच्या तीन षटकात म्हणजेच 18 चेंडूत 53 धावा काढल्या. म्हणून पंजाबला 200 धावांचा पल्ला गाठता आला. 18 व्या षटकात 19 धावा, 19व्या षटकात 22 धावा आणि शेवटच्या षटकात 12 धावा आल्या. (Photo: PTI)
पंजाब किंग्सने 17वं षटक संपलं तेव्हा 7 गडी गमावले होते. असं असूनही डावातील शेवटच्या तीन षटकात सर्वाधिक धावा करणारी आयपीएल टीम ठरली आहे. यापूर्वी 2010 मध्ये मुंबई इंडियन्सने अशा स्थितीत 52 धावा केल्या होत्या. पण पंजाब किंग्स आता एक धाव पुढे निघून गेली आहे. (Photo: PTI)
पंजाब किंग्ससाठी शेवटच्या तीन षटकात विष्णु विनोद आणि झेव्हियर बार्टलेट यांनी जबरदस्त फटकेबाजी केली. या दोघांनी नवव्या विकेटसाठी 12 चेंडूत 34 धावा केल्या. त्यामुळे पंजाब किंग्सच्या नावावर अनोखा विक्रम रचला गेला. (Photo: PTI)
