IPL 2026: शुबमन गिल आणि साई सुदर्शन नंबर 1 जोडी! शतकी भागीदारीसह मोठा कारनामा
Shubman Gill and Sai Sudharsan: गुजरात टायटन्सने राजस्थान रॉयल्ससमोर विजयासाठी 230 धावांचं आव्हान ठेवलं आहे. यात शुबमन गिल आणि साई सुदर्शन यांची शतकी भागीदारी महत्त्वाची ठरली. या शतकी भागीदारीसह या जोडीने एक मोठा विक्रम नावावर केला आहे.
आयपीएल स्पर्धेत यशस्वी जयस्वाल आणि साई सुदर्शन जोडी यशस्वी सलामी जोडी ठरली आहे. आतापर्यंत या जोडीने गुजरात टायटन्स संघाला चांगली सुरूवात करून दिली आहे. राजस्थान रॉयल्सविरुद्धच्या सामन्यात तसंच घडलं. (PHOTO CREDIT- PTI)
शुबमन गिल आणि साई सुदर्शन या जोडीने 65 चेंडूत 118 धावांची भागीदारी केली. यात दोघांनी अर्धशतकं ठोकली. यासह एक मोठा विक्रम आपल्या नावावर केला आहे. (PHOTO CREDIT- PTI)
शुबमन गिल आणि साई सुदर्शन जोडीने आयपीएल स्पर्धेत सहाव्यांदा सलामीच्या विकेटसाठी 100हून अधिक धावा केल्या आहेत. सलामीच्या विकेटसाठी सर्वाधिक शतकी भागीदारी करणारी जोडी म्हणून नोंद झाली आहे. (PHOTO CREDIT- PTI)
शुबमन गिल आणि साई सुदर्शन यांनी फक्त 28 सामन्यांमध्ये सहा शतकी भागीदारी केल्या आहेत. त्यामुळे कमी डावात सहा शतकी भागीदारी करण्याचा विक्रम नावावर झाला आहे. इतकंच काय तर या दोन खेळाडूंच्या नावावर आतापर्यंत वेगवेगळ्या स्थानासाठी 9 शतकी भागीदारी आहेत. (PHOTO CREDIT- PTI)
शुबमन गिल आणि साई सुदर्शन या जोडीने आणखी एक विक्रम रचला आहे. या सामन्यातील त्यांची 118 धावांची भागीदारी ही राजस्थानविरुद्ध मोठी भागीदारी ठरली आहे. गुजरातकडून राजस्थानविरुद्ध कोणत्याही विकेटसाठी केलेली सर्वोच्च भागीदारी आहे. (PHOTO CREDIT- PTI)
