Ishan Kishan : इशान किशन याने महेंद्रसिंह धोनी याच्या विक्रमाशी केली बरोबरी, काय केलं ते जाणून घ्या
IND vs WI : वेस्ट इंडिज विरुद्ध खेळल्या गेलेल्या तीन एकदिवसीय सामन्यांच्या मालिकेत इशान किशन याने खास विक्रमाची नोंद केली आहे. तिसऱ्या वनडेत अर्धशतक झळकावताच महेंद्रसिंह धोनी याच्या विक्रमाशी बरोबरी केली आहे.
भारत विरुद्ध वेस्ट इंडिज यांच्यात रंगलेल्या तिसऱ्या निर्णायक सामन्यात इशान किशन याने अर्धशतक झळकावलं. या अर्धशतकासह त्याने महेंद्रसिंह धोनी याच्या विक्रमाशी बरोबरी साधली आहे.
तिसऱ्या सामन्यात सलामीला आलेल्या इशान किशन याने 64 चेंडूत 3 षटकार आणि 8 चौकारांच्या मदतीने 77 धावा केल्या. यासह त्याने तीन सामन्यांच्या मालिकेत सलग अर्धशतकं झळकावणारा सहावा भारतीय खेळाडू ठरला आहे.
मालिकेत सलग अर्धशतकं झळकावणारा दुसरा यष्टीरक्षक ठरला आहे. यापूर्वी हा विक्रम माजी यष्टीरक्षक महेंद्रसिंह धोनी याच्या नावावर होता.
महेंद्रसिंह धोनी याने 2019 मध्ये ऑस्ट्रेलिया विरुद्धच्या तीन सामन्यांच्या द्विपक्षीय मालिकेत अर्धशतकांनी हॅटट्रीक केली होती. आता इशान किशन याने वेस्ट इंडिजविरुद्ध ही कामगिरी केली आहे.
इशान किशन याने पहिल्या वनडेत 52 आणि दुसऱ्या वनडेत 55 धावा केल्या होत्या. तिसऱ्या सामन्यात 77 धावा करताच त्याने अर्धशतकांची हॅटट्रीक केली.
ख्रिस श्रीकांत (1982), दिलीप वेंगसरकर (1985), मोहम्मद अझरुद्दीन (1993), एमएस धोनी (2019), श्रेयस अय्यर (2020) यांनी मालिकेत अर्धशतकांची हॅटट्रीक केली आहे. इशान किशन सहावा खेळाडू ठरला आहे.
