ICC Ranking: इशान किशनमुळे आता अभिषेक शर्माची जागा धोक्यात, एका झटक्यात 17 फलंदाजांवर केली मात
आयसीसी टी20 आंतरराष्ट्रीय क्रमवारी जाहीर झाली आहे. यात इशान किशनने क्रमवारीत मोठी झेप घेतली आहे. एका झटक्यात 17 फलंदाजांना मात देत टॉप 10 मध्ये स्थान मिळवलं आहे.
आयसीसी टी20 क्रमावारीत इशान किशनने जबरदस्त झेप घेतल्याचं दिसत आहे. टी20 वर्ल्डकप स्पर्धेतील तीन सामन्यात केलेल्या कामगिरीच्या जोरावर त्याला टॉप 10 मध्ये स्थान मिळालं आहे. त्याने एकाच वेळी 17 फलंदाजांना मात दिली आहे. (Photo- BCCI Twitter)
टी20 वर्ल्डकप स्पर्धा सुरू असताना इशान किशन 25व्या स्थानावर होता. मात्र मागच्या दोन सामन्यात केलेल्या कामगिरीच्या जोरावर त्याला फायदा झाला आहे. त्याने 17 फलंदाजांना मागे टाकत 8वं स्थान गाठलं आहे. (Photo- BCCI Twitter)
इशान किशन आता अभिषेक शर्माच्या जागेवर डोळा ठेवून आहे. गेल्या काही आठवड्यांपासून अभिषेक शर्मा पहिल्या स्थानावर आहे. पण मागच्या दोन सामन्यात त्याला खातंही खोलता आलं नाही. त्यामुळे त्याचं स्थान डळमळीत होताना दिसत आहे. (Photo- BCCI Twitter)
टी20 क्रमवारीत, अभिषेक शर्मा 891 रेटिंग गुणांसह पहिल्या क्रमांकावर आहे. फिल साल्ट दुसऱ्या, पथुम निस्सांका तिसऱ्या, तिलक वर्मा चौथ्या, साहिबजादा फरहान पाचव्या, सूर्यकुमार यादव सहाव्या, जोस बटलर सातव्या, इशान किशन आठव्या, टिम सेफर्ट नवव्या आणि ट्रेव्हिस हेड दहाव्या क्रमांकावर आहे. (Photo- BCCI Twitter)
सईम अय्युबने टी20 आंतरराष्ट्रीय अष्टपैलू क्रमवारीत अव्वल स्थानावर पोहोचला आहे. सिकंदर रझा दुसऱ्या, हार्दिक पंड्या तिसऱ्या क्रमांकावर आहे. नेपाळला स्कॉटलंडविरुद्ध विजय मिळवून देणारा दीपेंद्र सिंग ऐरी दोन स्थानांनी पुढे जाऊन चौथ्या स्थानावर पोहोचला आहे. अफगाणिस्तानचा अझमतुल्लाह उमरझाई पाचव्या स्थानावर आहे. (Photo- BCCI Twitter)
