IPL 2026: रोहित शर्माने जरा सांभाळूनच..! नाही तर नकोसा विक्रम होईल नावावर
रोहित शर्मा आयपीएल स्पर्धेत खेळण्यासाठी पुन्हा एकदा सज्ज झाला आहे. आंतरराष्ट्रीय क्रिकेटमध्ये रोहित शर्माने टी20 आणि कसोटी फॉर्मेटला रामराम ठोकला. त्यामुळे आयपीएलमध्ये टी20 फॉर्मेट खेळताना दिसणार आहे. पण त्याच्या नावावर एक नकोसा विक्रम होऊ शकतो.
आयपीएल 2026 स्पर्धेसाठी मुंबई इंडियन्स संघ कसून सराव करत आहे. मुंबई इंडियन्सने 2020 मध्ये शेवटचं जेतेपद मिळवलं होतं. रोहित शर्माही जेतेपद मिळवून देण्यास प्रयत्नशील आहे. असं असताना या पर्वात रोहित शर्माला आक्रमक फलंदाजी करताना सुरूवात मात्र सावधपणे करावी लागेल. (Photo- IPL/BCCI)
आयपीएल 2026 स्पर्धेत रोहित शर्माने शून्यावर बाद होणं टाळणं गरजेचं आहे. कारण या पर्वात दोन वेळा शून्यावर बाद झाल्यास त्याच्या नावावर नकोसा विक्रम नोंदवला जाईल. मुंबई इंडियन्ससाठी खेळताना मागच्या पर्वात रोहित शर्माने चांगली कामगिरी केली होती. पण या वेळी काळजी घ्यावी लागणार आहे. (Photo- IPL/BCCI)
आयपीएल 2026 मध्ये रोहित जर दोन डावांमध्ये शून्यावर बाद झाला, तर आयपीएल स्पर्धेच्या इतिहासात सर्वाधिक वेळा शून्यावर बाद होणारा फलंदाज बनेल. हा नकोसा विक्रम त्याच्या नावावर नोंदवला जाईल. (Photo- IPL/BCCI)
आयपीएल इतिहासात सध्या हा लाजिरवाणा विक्रम ऑस्ट्रेलियाच्या ग्लेन मॅक्सवेलच्या नावावर आहे. आयपीएलमध्ये 19 वेळा शून्यावर बाद झाला आहे. या यादीत दिनेश कार्तिक आणि रोहित शर्मा संयुक्तपणे दुसऱ्या स्थानावर आहेत.(Photo- IPL/BCCI)
पंजाब किंग्सने ग्लेन मॅक्सवेलला करारमुक्त केलं, तसेच त्याने या स्पर्धेतून माघार घेतली. त्यामुळे या स्पर्धेत आता खेळणार नाही हे स्पष्ट आहे. तर दिनेश कार्तिकने आधीच आयपीएलमधून निवृत्ती जाहीर केली आहे. त्यामुळे रोहित शर्माला या लाजिरवाण्या विक्रमांच्या यादीत अव्वल स्थानी पोहोचण्याची शक्यता आहे. (Photo- IPL/BCCI)
