Virat Kohli: कोणते गोलंदाज डोकेदुखी ठरायचे? विराटने नावंच सांगतली
Virat Kohli : विराट कोहली याने त्याच्या क्रिकेट कारकीर्दीत आतापर्यंत अनेक गोलंदाजांना गार केलंय. मात्र विराटसाठी कोणते गोलंदाज डोकेदुखी ठरलेत याबाबत त्यानेच सांगितलंय. जाणून घ्या विराटने फॉर्मेटनुसार कोणत्या गोलंदाजांचं नावं घेतलं.
विराट कोहली क्रिकेट विश्वातील अव्वल दर्जाचा खेळाडू आहे. विराटने कसोटी, एकदिवसीय आणि टी 20I या तिन्ही फॉर्मेटमध्ये आपला ठसा उमटवला आहे. विराटने आंतरराष्ट्रीय क्रिकेटमध्ये 29 हजारांपेक्षा अधिक धावा केल्यात. विराटने या दरम्यान गोलंदाजांची धुलाई केलीय. मात्र विराटसाठी काही गोलंदाज डोकेदुखी होते. विराटनेच त्या गोलंदाजांबाबत सांगितलंय. (Photo Credit: PTI)
विराटने आरसीबीच्या एका कार्यक्रमादरम्यान कारकीर्दीत डोकेदुखी ठरलेल्या गोलंदाजांबाबत सांगितलं. विराटने त्याला कसोटी, वनडे आणि टी 20i फॉर्मेटनुसार डोकेदुखी ठरेलल्या गोलंदाजांची नावं सांगितलं. (Photo: PTI)
इंग्लंडचा वेगवान गोलंदाज जेम्स अँडरसन कसोटी क्रिकेटमध्ये डोकेदुखी ठरल्याचं विराटने सांगितलं. इंग्लंडच्या परिस्थितीत अँडरसनचा सामना करणं अवघड असल्याचं विराटने म्हटलं. अँडरसनने विराटला एकूण 7 वेळा आऊट केलं. (Photo: Getty Images)
इंग्लंडचा अनुभवी फिरकीपटू आदिल रशीद वनडे क्रिकेटमध्ये आव्हानात्मक ठरल्याचं विराटने स्पष्ट केलं. आदिल रशीदने विराटला लेग ब्रेक आणि गुगलीद्वारे फसवलं. आदिलने विराटला वनडेत एकूण 5 वेळा आऊट केलं. (Photo: Getty Images)
तसेच विराटने टी 20 फॉर्मेटबाबत बोलताना वेस्ट इंडिजचा माजी फिरकीपटू सुनील नारायण याचं नाव घेतलं. सुनीलने विराटला टी 20 क्रिकेटमध्ये एकूण 4 वेळा मैदानाबाहेरचा रस्ता दाखवला आहे. (Photo: PTI)
