IPL 2026 : रैना धोनीचं ऐकेना, मिस्टर आयपीएलची थालाकडे अशी मागणी,नक्की काय?
MS Dhoni Suresh Raina IPL : मिस्टर आयपीएल म्हणून ओळखला जाणारा सीएसकेचा माजी फलंदाज सुरेश रैना याने त्याचं महेंद्रसिंह धोनी याच्यासोबत काय बोलणं झालं याबाबत सांगितलं. रैनाने धोनीकडे IPL 2027 बाबत काय मागणी केली? जाणून घेऊयात.
माजी क्रिकेटर सुरेश रैनाने चेन्नई सुपर किंग्सचा फलंदाज आणि माजी सहकारी महेंद्रसिंह धोनी याच्यासोबत काय बोलणं झालं, याबाबत भाष्य केलं. मी धोनीला पुढील वर्षीही आयपीएल स्पर्धेत खेळण्याबाबत विचार करावा असं म्हटल्याचं रैनाने सांगितलं. सीएसकेचा IPL 2026 स्पर्धेतील घरच्या मैदानात अर्थात एमए चिदंबरम स्टेडियममध्ये शेवटचा सामना असल्याने धोनी खेळेल, अशी आशा चाहत्यांना होती. मात्र तसं झालं नाही. (Photo: PTI)
आयपीएल 2026 मिस्ड कॉल होता, तो मोजला जाणार नाही, असं मी धोनीला म्हटल्याचं रैनाने सांगितलं. त्यामुळे धोनीला पुढील वर्षी खेळायला यावं लागेल, असंही रैनाने सांगितलं. (Photo: PTI)
रैनाने त्यानंतर धोनीने काय म्हटलं हे देखील सांगितलं. धोनी ऐकायला तयार नाहीय, असं रैनाने स्पष्ट केलं. "आता शरीर पहिल्यासारखं राहिलं नाही, असं धोनीने म्हटल्याचं रैनाने सांगितलं. "मात्र मी काही ऐकणार नाही, असं मी धोनीला म्हटलं", असंही रैनाने सांगितलं. (Photo: PTI)
"मी धोनीला पुढील वर्षी आयपीएल स्पर्धेत खेळायला सांगितलंय. मात्र खेळायचं की नाही हा त्यांचा वैयक्तिक निर्णय असणार आहे. मात्र धोनी खेळू शकतो", असंही रैनाने सांगितलं. (Photo: PTI)
चेन्नईचा या मोसमातील 14 वा आणि शेवटचा सामना हा अहमदाबादमध्ये होणार आहे. रेव्हस्पोर्ट्सनुसार, धोनी अहमदाबादला जाणार नाही. तसेच रिपोर्ट्सनुसार, धोनी आगामी हंगामातील सर्व सामने खेळणार की नाही हे निश्चित नाही, मात्र घरच्या मैदानातील अंतिम सामना खेळणार आहे, असा दावा करण्यात आला आहे. (Photo: PTI)
