Vijay Shankar: भारतीय क्रिकेटमधून निवृत्ती घेताच विजय शंकरची नव्या संघात एन्ट्री, आता या स्पर्धेत खेळणार
भारतीय क्रिकेट संघाचा माजी अष्टपैलू खेळाडू विजय शंकर याने नुकतीच निवृत्ती जाहीर केली होती. यावेळी त्याने खूप क्रिकेट खेळायचं असं सांगितलं होतं. त्यामुळे काय करणार याची उत्सुकता होती. अखेर नव्या संघातून खेळण्यासाठी सज्ज झाला आहे.
टीम इंडियाचा माजी अष्टपैलू खेळाडू विजय शंकर आता लंका प्रीमियर लीग स्पर्धेत खेळताना दिसणार आहे. विजय शंकरने 22 मे रोजी देशांतर्गत क्रिकेट आणि आयपीएलमधून निवृत्ती घेतली होती. त्यानंतर आता विदेशी क्रिकेट स्पर्धेत खेळणार आहे. विजय शंकर कँडी रॉयल्सकडून मैदानात उतरणार आहे. (Photo: PTI)
लंका प्रीमियर लीग स्पर्धेत भारताच्या काही खेळाडूंनी यापूर्वी सहभाग घेतला आहे. यात इरफान पठाण, मुनाफ पटेल, सुदीप त्यागी आणि मनप्रीत गोनी यांची नावं आहेत. आता या यादीत विजय शंकर याचं नाव जोडलं गेलं आहे. (Photo: PTI)
विजय शंकरकडे लीग क्रिकेट स्पर्धांचा दांडगा अनुभव आहे. विजय शंकरने आयपीएल 2014 स्पर्धेत डेब्यू केलं होतं. विजय शंकर चेन्नई सुपर किंग्स, सनरायझर्स हैदराबाद, दिल्ली कॅपिटल्स आणि गुजरात टायटन्ससठी खेळणार आहे. (Photo: PTI)
विजय शंकर आयपीएल स्पर्धेत 78 सामने खेळला असून 1233 धावा केल्या आहेत. त्याचा बॅटिंग एव्हरेज 26.33चा आहे. त्याने आयपीएल स्पर्धेत 7 अर्धशतकं ठोकली आहे. तसेच 9 विकेटही घेतल्या आहेत. (Photo: PTI)
विजय शंकरने भारतासाठी 12 वनडे सामन्यात 31.8 च्या सरासरीने 223 धावा केल्या आहेत. 9 टी20 सामन्यात 25पेक्षा जास्तीच्या सरासरीने 101 धावा केल्यात. तर फर्स्ट क्लास क्रिकेटमध्ये विजय शंकरच्या नावावर 13 शतकं आहेत. तर लिस्ट ए मध्ये दोन शतकं ठोकली आहेत. (Photo: PTI)
