टॉयलेटपेक्षाही घाण असतात रोजच्या वापरतील या वस्तू; वेळीच काळजी न घेतल्यास…
Bacteria: तुम्हाला वाटत असेल की टॉयलेट सीटवर सर्वात जास्त बॅक्टेरिया असतात, मात्र हे चुकीचे आहे. तु्मच्या आजूबाजूला अशा वस्तू असतात, ज्यावर सर्वात जास्त बॅक्टेरिया असतो. यामुळे तु्म्हाला गंभीर आजार होऊ शकतो. याबाबत माहिती जाणून घेऊयात.
पाण्याची बाटली: तुम्ही जी पाण्याची बाटली दररोज वापरता, त्या बाटलीवर टॉयलेट सीटपेक्षा जास्त बॅक्टेरिया असतात. हफपोस्टच्या अभ्यासानुसार, पाण्याच्या बाटलीच्या झाकणाजवळ, तोंडाजवळ विविध प्रकारचे बॅक्टेरिया असतात. याचा परिणाम आरोग्यावर होऊ शकतो.
दरवाजाचा हँडल: दाराची सफाई करताना अनेकदा आपण हँडल स्वच्छ करायला विसरतो. तसेच सार्वजनिक ठिकाणी असलेल्या दरवाजांना असंख्य लोक स्पर्श करतात, त्यामुळे येथील हँडलवर जीवघेणे बॅक्टेरिया असतात.
रिमोट: घरातील टीव्हीच्या रिमोटवर स्वच्छतेअभावी जंतू आणि बॅक्टेरिया जमा होतात. घरातील सर्वजण त्याला स्पर्श करतात, त्यामुळे बॅक्टेरिया घरातही पसरतो. तसेच माऊसवर देखील मोठ्या प्रमाणात बॅक्टेरिया जमा होतात.
उशी, ब्रश: घरातील जुन्या उशा, भांडी धुण्याचा स्पंज यामध्येही बॅक्टेरिया असतो. तसेच जुन्या टूथब्रशमध्येही बॅक्टेरिया असतो. त्यामुळे या सर्व वस्तू वेळोवेळी स्वच्छ करा किंवा बदला.
मेनू कार्ड: हॉटेल आणि रेस्टॉरंटच्या मेनू कार्डवर खूप मोठ्या प्रमाणात बॅक्टेरिया असतात. कारण बऱ्याच हॉटेलमधील मेनू कार्ड वर्षानुवर्षे बदलले जात नाहीत. बरेच लोक त्याला स्पर्श करतात, त्यामुळे धोकादायक बॅक्टेरिया तयार होतो.
