58 वर्षे जुनं गाणं, जे ऐकताच 15 दिवस कोमात असलेला मुलाने उघडले डोळे, आजही गाणं सुपरहिट
58 वर्षांपूर्वीच गाणं, जे ऐकून कोमात गेलेला मुलगा झालेला बरा. मुकेश यांच्या आवाजाने आणि मजरुह सुल्तानपुरी यांच्या शब्दांमुळे झालेली ही जादू. आजही ते गाणं सुपरहिट.
प्रसिद्ध गीतकार मजरूह सुल्तानपुरी यांनी एका मुलाखतीत सांगितलेला एक भावनिक प्रसंग आजही संगीताच्या सामर्थ्याचे उदाहरण म्हणून सांगितला जातो. त्यांचा मित्र अहमद यांचा मुलगा गंभीर आजाराने त्रस्त होता. त्याला नीट बोलता किंवा ऐकता येत नव्हते आणि तो बराच वेळ शांत बसून राहत असे.
मात्र, गायक मुकेश यांची गाणी ऐकली की तो आनंदाने झूमू लागायचा आणि त्याच्या चेहऱ्यावर वेगळेच हास्य खुलायचे. काही दिवसांनी त्या मुलाची प्रकृती अधिक खालावली आणि तो 15 दिवस कोमात गेला. डॉक्टरांनी उपचारांचे सर्व प्रयत्न करूनही यश न आल्याने आता औषधांपेक्षा प्रार्थनेचीच गरज असल्याचे कुटुंबाला सांगितले.
त्यामुळे मुलाला घरी आणण्यात आले. घरी आल्यानंतर वडिलांनी 'साथी' चित्रपटातील 'आंखें खुली थीं आए थे वो भी नजर मुझे...' हे मजरूह सुलतानपुरी यांनी लिहिलेले आणि मुकेश यांनी गायलेले गाणे लावले. सांगितले जाते की, गाणे सुरू होताच 15 दिवसांपासून कोमात असलेल्या मुलाने हळूहळू डोळे उघडले.
हा क्षण पाहून कुटुंबीय आश्चर्यचकित झाले. मात्र, ही आनंदाची वेळ फार काळ टिकली नाही. संपूर्ण गाणे ऐकल्यानंतर त्या मुलाने अखेरचा श्वास घेतल्याचे सांगितले जाते. हा प्रसंग मजरूह सुलतानपुरी यांनी संगीतकार नौशाद यांना सांगितला असता त्यांनी हा प्रभाव केवळ धुनेचा नसून मजरूह यांचे शब्द, मुकेश यांचा भावपूर्ण आवाज आणि संगीताच्या भावनिक शक्तीचा संगम असल्याचे मत व्यक्त केले.
हा किस्सा अधिकृत वैद्यकीय पुराव्यांवर आधारित नसून मजरूह सुलतानपुरी यांनी सांगितलेल्या आठवणींवर आधारित आहे. तरीही, संगीत माणसाच्या भावना आणि मनावर किती खोल परिणाम करू शकते याचे हे एक हृदयस्पर्शी उदाहरण मानले जाते.
