PHOTO : भारतीय महिला बॅडमिंटनपटूंची कमाल, सलग तिसऱ्यांदा मिळवलं ऑलिम्पिक पदक
भारताची स्टार खेळाडू पीव्ही सिंधूने ऑलिम्पिकच्या बॅडमिंटन महिला ऐकेरीत तिसऱ्या स्थानासाठीच्या सामन्यात चीनच्या ही बिंगजियाओला नमवत कांस्य पदक पटकावले आहे.
भारताची आघाडीची बॅडमिंटनपटू पीव्ही सिंधूने (PV Sindhu) चीनच्या ही बिंगजियाओ (He Bingjiao) हिला पहिल्या सेटमध्ये 13-21 आणि दुसऱ्या सेटमध्ये 15-21 ने नमवत कांस्य पदक पटकावलं.
यंदा भारताला कांस्यपदक मिळवून देणाऱ्या सिंधूने मागच्या वेळी पार पडलेल्या 2016 च्या रियो ऑलिम्पिकमध्ये रौप्य पदक पटकावलं होतं. अंतिम सामन्यात स्पेनच्या कॅरोलिनाकडून पराभव पत्करावा लागल्याने सिंधूचं सुवर्ण पदक हुकलं होतं.
2016 आधी 2012 च्या लंडन ऑलिम्पकमध्येही भारतीय महिला बॅडमिंटनपटूने भारताला ऑलिम्पिक पदक जिंकवून दिलं होत. पण यावेळी सिधू नाही, तर सायना नेहवालने (Saina nehwal) कांस्य पदक मिळवून दिलं होतं.
सिंधू टोक्यो ऑलिम्पकमध्ये सुवर्णपदक जिंकेल असे सर्वांना वाटत होते. कारण तिने सुरुवातीपासूनच्या सामन्यात अप्रतिम कामगिरी केली होती. पण अखेर सेमीफायनलच्या सामन्यात चीनी ताईपेच्या ताई त्जू यिंगने 21-18 आणि 21-12 च्या फरकाने नमवत सिंधूला स्पर्धेबाहेर केलं.