Photos : कम्युनिस्ट आले, काँग्रेसचीही साथ, ठाकरे गटाच्या नेतृत्त्वात हिंदी सक्तीच्या GR ची होळी; आझाद मैदानात काय घडलं?
मुंबईच्या आझाद मैदानात ठाकरे गटाच्या नेतृत्त्वात हिंदी भाषा सक्तीचा विरोध करण्यासाठी राज्य सरकारच्या हिंदी सक्तीच्या जीआरची होळी करण्यात आली.
इयत्ता पहिलीपासून हिंदी भाषा विषय शिकवण्याच्या सरकारच्या धोरणाला विरोधी पक्षांकडून विरोध केला जातोय. ठाकरे गट, मनसे, काँग्रेस, शरद पवार गट एकत्र यांनी हिंदी सक्तीच्या या धोरणाला विरोध केला आहे.
दरम्यान, ठाकरे गटाने हिंदी सक्तीच्या विरोध म्हणून आज (29 जून) हिंदी सक्तीच्या जीआरची होळी केली. माजी मुख्यमंत्री उद्धव ठाकरे यांनी स्वत: आझाद मैदानावर जाऊन या आंदोलनात सहभाग नोंदवला.
ठाकरे गटाच्या नेतृत्त्वात आयोजित करण्यात आलेल्या या आंदोलनात हिंदी सक्तीला विरोध करणारे अनेक समविचारी पक्ष एकत्र आले होते.
यात कम्युनिस्ट पक्ष, काँग्रेस, मनसे आदी पक्षांनीही या आंदोलात आपला सहभाग नोंदवला. यावेळी काँग्रेसचे प्रदेशाध्यक्ष हर्षवर्धन सपकाळ हेदेखील उपस्थित होते.
आमदार आदित्य ठाकरे, खासदार संजय राऊत, माजी मुख्यमंत्री उद्धव ठाकरे तसेच अन्य महत्त्वाच्या नेत्यांच्या उपस्थितीत हिंदी सक्तीच्या जीआरची होळी करण्यात आली.
दरम्यान, या आंदोलनानंतर येत्या 5 जुलै रोजीचा मोर्चा हा भव्य असेल. या मोर्चात लोक महाराष्ट्रभरातून सहभागी होतील, असा विश्वास उद्धव ठाकरे यांनी व्यक्त केला.
