कठोर व्यायाम करताय तरीही वजन नाही होतेय कमी? त्यामागे असू शकतं ‘हे’ मोठं कारण
वजन कमी करणे हे केवळ कॅलरीजवर अवलंबून नसते, तर इन्सुलिन, कॉर्टिसोल आणि इस्ट्रोजेन यांसारख्या हार्मोन्सच्या संतुलित कार्यावरही अवलंबून असते. तणाव कमी केल्याने आणि पौष्टिक आहार घेतल्याने हार्मोन्स संतुलित राहण्यास आणि वजन कायमस्वरूपी कमी होण्यास मदत होऊ शकते.
वजन कमी होणे हे केवळ कॅलरीजपुरते मर्यादित नाही; आपल्या शरीराची कार्ये नियंत्रित करणारे हार्मोन्स यात महत्त्वाची भूमिका बजावतात. जेव्हा हार्मोन्सचे असंतुलन होते, तेव्हा आपण कितीही कठोर व्यायाम केला तरी आपले वजन कमी होत नाही.
जर शरीरातील रक्तातील साखर नियंत्रित करणाऱ्या इन्सुलिनची पातळी सातत्याने जास्त असेल, तर शरीर 'चरबी साठवण्याच्या' अवस्थेत जाते. या अवस्थेत, शरीर चरबी कमीऐवजी ती वाढू लागते, ज्यामुळे तुम्ही खाण्यापिण्यात नियंत्रन करूनही वजन कमी करणे खूप कठीण होते.
अत्यधिक ताण आणि झोपेच्या कमतरतेमुळे स्रवणारा कॉर्टिसोल हा हार्मोन भूक वाढवू शकतो आणि तुम्हाला गोड व चरबीयुक्त पदार्थ खाण्याची तीव्र इच्छा निर्माण करू शकतो. यामुळे तुमच्या आहारात अडथळा येऊ शकतो आणि वजन कमी करण्याच्या तुमच्या प्रयत्नांना बाधा येऊ शकते.
जेव्हा महिलांमध्ये इस्ट्रोजेनची पातळी असंतुलित होते, तेव्हा शरीरात पाणी साठते आणि अनावश्यक चरबी जमा होते. यामुळे पोट फुगते, व्यायामाचे फायदे कमी होतात आणि वजनवाढ स्थिर राहते.
रक्तातील साखरेची पातळी स्थिर ठेवणे, तणाव कमी करणे आणि पौष्टिक अन्न खाणे हा यावरचा उपाय आहे. जेव्हा शरीराची अंतर्गत कार्ये सुरळीत असतात, तेव्हा शरीर आपोआपच चरबी कमी करण्याचे काम अधिक चांगल्या प्रकारे करू लागते.
