टोवेल ओढूनच शूट केलं संपूर्ण गाणं, शेवटी… तिन्ही अभिनेत्रींचा खास अंदाज, आजही हे गाणं आवडीने ऐकतात मुली
2001 मध्ये प्रदर्शित झालेल्या ‘यादें’ या चित्रपटातील सर्वच गाणी लोकप्रिय ठरली. यापैकी एक गाणं तर मुलींचं आवडतं बनलं आहे. या गाण्यातील अभिनेत्रींचा अंदाज आणि त्यांची एकमेंकींंशी जुळणारी वाईब खास आहे. विशेष म्हणजे, या गाण्यातील तिघी जणी खूप मज्जा-मस्ती करतात. यापैकी एकाचे लग्न काही दिवसांवरच असते आणि अशा वेळी त्या तिघी सोबत वेळ घालवताना दिसतात.
‘एली रे एली’ हे गाणं ‘यादें’ चित्रपटासाठी तयार करण्यात आलं होतं. या गाण्याला अनु मलिक यांनी संगीत दिलं असून आनंद बक्षी यांनी गीत लिहिलं आहे. कविता कृष्णमूर्ती, अलका याज्ञिक, उदित नारायण, हेमा सरदेसाई आणि सुब्रह्मण्यम यांनी हे गाणं गायलं आहे.
गाण्यात जॅकी श्रॉफ, ऋतिक रोशन यांची एन्ट्री अगदी शेवटी होते मात्र त्याआधी तिन्ही अभिनेत्री सुंदर डान्स करताना दिसतात. करिना कपूरची यात प्रमुख भूमिका दिसते. गाण्याच्या दृश्यांमध्ये तिन्ही अभिनेत्रींचा वेगळा अंदाज पाहायला मिळतो.
या गाण्याच्या शूटिंगशी संबंधित एक रंजक किस्सा सोशल मीडियावर चर्चेत असतो. गाण्याचे काही सीन्स अभिनेत्रींकडून टॉवेल ओढून शूट करण्यात आल्याचे सांगितले जाते. त्यामुळे या गाण्याच्या शूटिंगची स्टोरीही चाहत्यांसाठी विशेष ठरते.
‘एली रे एली’ प्रदर्शित होऊन अनेक वर्षे झाली असली तरी त्याची लोकप्रियता कमी झालेली नाही. विशेषतः मुलींमध्ये हे गाणे आजही आवडीने ऐकले जाते. गाण्याचे संगीत, शब्द आणि कलाकारांची स्क्रीनवरील केमिस्ट्री यामुळे त्याला वेगळी ओळख मिळाली.
‘यादें’मधील हे गाणं आजही अनेकांना जुन्या हिंदी चित्रपटांची आठवण करून देते त्यामुळे ‘एली रे एली’ हे गाणं आजही लोकप्रिय गाण्यांच्या यादीत आवर्जून आठवलं जातं.
