“मी माझ्या मतदारसंघात भाजपसोबत युती करणार नाही!”, शिंदेगटातील मंत्र्यांचं मोठं विधान

दत्ता कानवटे, Tv9 मराठी, प्रतिनिधी, सिल्लोड औरंगाबाद : उद्धव ठाकरेंशी फारकत घेत एकनाथ शिंदे (Eknath Shinde) यांच्यासह समर्थक आमदारांनी बंडखोरी केली. त्यानंतर भाजपसोबत (Devendra Fadnavis) युती करण्याच्या मुद्द्यावर हे सगळे आमदार अडून राहिले. पण सध्या याच युतीबाबत शिंदे गटाचे आमदार आणि मंत्री अब्दुल सत्तार (Abdul Sattar) यांनी मोठं विधान केलंय. “मी माझ्या मतदारसंघात भाजपसोबत युती करणार नाही. मैत्रीपूर्ण लढत करेल”, असं सत्तार म्हणाले आहेत.

माझ्या मतदार संघात माझी ताकत मोठी आहे. सोयगाव नगरपरिषदमध्ये आमचे 17 नगसेवक आहेत. तर भाजपचे 2 नगरसेवक आहेत. सिल्लोडमध्येही तीच परिस्थिती आहे. 30 पैकी 28 नगरसेवक आमचे आहेत. तर दोन भाजपचे आहेत. त्यामुळे सिल्लोडमध्ये मी भाजपसोबत युती करणार नाही. मैत्रीपूर्ण लढत करेन,असं सत्तार म्हणाले आहेत.

उद्या दसरा मेयलावा होतोय. त्यावरही सत्तार बोलले आहेत. मुख्यमंत्री एकनाथ शिंदे यांचा उद्याचा मेळावा ऐतिहासिक होणार आहे, असं सत्तार म्हणालेत.

अब्दुल सत्तार यांनी कैलास गोरंट्याल यांच्यावरही टीका केली आहे. दुश्मन भी जिंदा रहना चाहिये, असं सत्तार म्हणालेत.

“कैलास गोरंट्याल यांच्या पायाखालची वाळू सरकली आहे. त्यामुळे ते काहीही आरोप करत आहेत. पण येणाऱ्या काळात जालन्यात बदल होणारच. त्याच्याकडे असलेली एक नगरपरिषद ती पण आम्ही काढून घेऊ. त्याची ताकत असेल तर त्याला सिल्लोडमध्ये येऊन आपली ताकत दाखवावी. त्यांनी इथे एक जरी नगरसेवक निवडून आणला तर मी त्यांचा सत्कार करेन”, असं सत्तार म्हणालेत.

मी मोठ्या लोकांना धोका देऊ शकतो. गोरंट्याल क्या चीज है!, त्यांना धोका देणं अवघड नाही. कैलास गोरंटयाल मुसलमानांना उल्लू बनवण्याचे काम करतात. त्याच्याकडची विधानसभेची जागा आणि नगरपालिका हिसकवून घेतो, असं सत्तार म्हणाले आहेत.