राजीनाम्यानंतर अजित पवार नॉट-रिचेबल, घरासह फार्म हाऊसवरही शुकशुकाट

रायगड : माजी उपमुख्यमंत्री अजित पवार (Ajit Pawar resigns) यांनी आमदारकीचा तडकाफडकी राजीनामा दिला आहे. अजित पवारांच्या (Ajit Pawar resigns) राजीनाम्यामुळे राष्ट्रवादीसह सर्वच राजकीय वर्तुळात खळबळ उडाली आहे. यानंतर अजित पवार यांचा मोबाईलही बंद (Ajit pawar Missing) आहे. विशेष म्हणजे अजित पवारांच्या राजीनाम्यानंतर त्यांच्या निवासस्थानासह फार्म हाऊसवर शुकशुकाट (Ajit pawar Missing) पाहायला मिळत आहे.

अजित पवार यांचा रायगडमधील कर्जत या ठिकाणी एक फार्म हाऊस आहे. या फार्म हाऊसवर ते नेहमी येत असतं. मात्र अजित पवारांनी राजीनामा दिल्यानंतर या ठिकाणी शांतता पाहायला मिळत आहे. मात्र ते या ठिकाणी असल्याच्या चर्चाही रंगत आहेत.

राजीनामा देण्यापूर्वी अजित पवार हे त्यांच्या पुण्यातील भोसलेनगरमधील जिजाई बंगल्यात आल्याचं सांगितलं जातं होतं. मात्र सध्या या ठिकाणीही शुकशुकाट पाहायला मिळत आहे. मध्यरात्री त्यांचा धाकटा मुलगा जय पवार हे ही या ठिकाणी आले होते. मात्र पहाटे 3.30 च्या सुमारास जय पवार हे सुद्धा बंगल्यातून बाहेर पडल्याची माहिती सूत्रांनी दिली आहे.

त्याशिवाय अजित पवार यांचे बारामतीतील सहयोग सोसायटीमध्येही घर आहे. पण या ठिकाणच्या सोसायटीचे गेटही बंद केले आहे. सहयोग सोसायटीमध्ये पूर्वी खुला प्रवेश दिला जात असतं. मात्र सध्या या सोसायटीमध्ये जाण्यास प्रतिबंध केला जात आहे.

अजित पवारांचा राजीनामा

राष्ट्रवादी काँग्रेसचे नेते अजित पवार (Ajit Pawar resigns ) यांनी शुक्रवारी 27 सप्टेंबर रोजी आमदारकीचा राजीनामा दिला. विधानसभा अध्यक्ष हरिभाऊ बागडे यांनी त्यांचा (Ajit Pawar resigns ) राजीनामा मंजूर केला. अजित पवारांचा राजीनामा मंजूर केल्याची माहिती हरिभाऊ बागडे यांनी टीव्ही 9 मराठीला दिली.