संसदेत शिवाजी महाराजांविषयी बोलायला गेलो,तर माईक बंद केला – खासदार अमोल कोल्हे यांचा आरोप
छत्रपती शिवाजी महाराज हे देव नाहीत.पण आमच्यापेक्षा देवापेक्षा कमी नाहीत,असं देखील अमोल कोल्हे यांनी म्हटलं आहे, संसदेचं सध्या हिवाळी
दिल्ली : महाराष्ट्रात वारंवार शिवाजीमहाराजांविषयी जी अपमानजनक वक्तव्य केली जात आहेत. त्यावर कायद्यात तरतूद व्हावी, फक्त छत्रपती शिवाजी महाराजच नाही , तर इतर महापुरुषांविषयी देखील बोलताना कायद्याची तरतूद करावी अशी मागणी, खासदार अमोल कोल्हे हे संसदेत करत होते, तेव्हा अमोल कोल्हे यांचं संपूर्ण बोलणं संपण्याआधी माईकचा आवाजचं संसदेच्या अध्यक्षांनी बंद केला, आणि ‘हो गया’, असं म्हटलं, त्यावर माईक बंद केल्यानंतरही अमोल कोल्हे यांनी, ‘हो गया नही अध्यक्ष महोदय, बोलने का मौका दिजिए’ असं म्हणत आपली भूमिका संसदेत सादर केली.
यानंतर बाहेर येऊन खासदार अमोल कोल्हे यांनी या विरोधात आपला एक व्हीडिओ बनवला, त्यात संसदेत शिवाजी महाराजांविषयी बोलायला गेलो तर माईक बंद केला, माईक बंद केला तरी शिवाजी महाराजांविषयी भावना दाबता येणार नाहीत, तो तमाम शिवभक्तांचा आवाज, कानठळ्या बसवल्याशिवाय राहणार नाही, असं त्यांनी म्हटलं आहे.
छत्रपती शिवाजी महाराज हे देव नाहीत.पण आमच्यापेक्षा देवापेक्षा कमी नाहीत,असं देखील अमोल कोल्हे यांनी म्हटलं आहे, संसदेचं सध्या हिवाळी अधिवेशन सुरु आहे, शून्य प्रहरात ते आपला प्रश्न मांडत होते.
संसदेतला माईक बंद केला तरी छत्रपती शिवाजी महाराजांविषयीची भावना दाबता येणार नाही, तो तमाम शिवभक्तांचा आवाज कानठळ्या बसवल्याशिवाय राहणार नाही!! जय भवानी, जय शिवराय#ParliamentWinterSession #ChhatrapatiShivajiMaharaj #JaiBhavaniJaiShivray pic.twitter.com/XlUVy3ipEu
— Dr.Amol Kolhe (@kolhe_amol) December 8, 2022
छत्रपती शिवाजी महाराज यांचा राज्याचे राज्यपाल भगतसिंग कोश्यारी यांनी अपमान केल्याचा आरोप होत आहे, यानंतर महाराष्ट्रात काही संघटनांनी आंदोलन देखील केलं आहे, यानंतर या प्रश्न पुन्हा चर्चेत आला आहे.
सर्वच महापुरुषांच्या अपमानाबाबतीत एक ठोस कायदा करण्यात यावा, अशी मागणी खासदार अमोल कोल्हे यांनी केली आहे, याविषयी अमोल कोल्हे यांनी ट्ववीटरवर व्हीडिओ देखील अपलोड केला आहे, यात अमोल कोल्हे यांनी त्यांची भूमिका मांडली आहे.
