मी आधीच सांगितलं होतं……. : नितीन गडकरी
केंद्रीय मंत्री नितीन गडकरी यांनी प्रतिक्रिया देताना, आपण आधीच म्हटलं होतं की क्रिकेट आणि राजकारणात काहीही होऊ शकतो, असं सांगितलं.
मुंबई : देवेंद्र फडणवीस यांनी मुख्यमंत्रिपदाची तर अजित पवार यांनी उपमुख्यमंत्रिपदाची शपथ घेतल्याने महाराष्ट्रात रातोरात राजकीय भूकंप पाहायला मिळाला. भल्या पहाटे महाराष्ट्रातील राष्ट्रपती राजवट हटवण्यात आली. त्यानंतर नव्या मुख्यमंत्र्यांना शपथही देण्यात आली. अजित पवारांनी उपमुख्यमंत्रिपदाची शपथ घेतल्याने सर्वांच्याच भुवया उंचावल्या. दरम्यान, याबाबत भाजप नेते आणि केंद्रीय मंत्री नितीन गडकरी (Nitin Gadkari on cricket and politics) यांनी प्रतिक्रिया देताना, आपण आधीच म्हटलं होतं की क्रिकेट आणि राजकारणात काहीही होऊ शकतो, असं सांगितलं. (Nitin Gadkari on cricket and politics)
नितीन गडकरी म्हणाले, “काही दिवसांपूर्वी मी ‘राजकारण आणि क्रिकेट यात काहीही अशक्य नाही’, असं बोललो होतो ते खरं ठरलं, राज्यात देवेंद्र फडणवीस आणि अजित पवार यांच्या नेतृत्वात जे सरकार बनले ते स्थिर सरकार असेल, हे सरकार बहुमत सिद्ध करेल असा मला विश्वास आहे, माझ्या नवीन सरकारला शुभेच्छा”
#WATCH “Anything can happen in cricket and politics. Sometimes you feel you are losing the match, but the result is exactly the opposite. Also, I have just arrived from Delhi, I don’t know the detailed politics of Maharashtra,”Union Min Nitin Gadkari on Maharashtra govt formation pic.twitter.com/JB6cfeMRok
— ANI (@ANI) November 14, 2019
नवी दिल्लीतील कार्यक्रमात गडकरी म्हणाले होते, क्रिकेट आणि राजकारणात काहीही होऊ शकतं, हातातली मॅच जात आहे, असं वाटत असतानाच बाजी पलटते, असं सूचक वक्तव्य केंद्रीय मंत्री नितीन गडकरी यांनी केलं होतं.
‘क्रिकेट आणि राजकारणात काहीही होऊ शकतं. कधीतरी तुम्हाला वाटतं सामना तुमच्या हातून निसटत चालला आहे. पण अंतिम निकाल अगदी उलट लागतो. मी दिल्लीत आहे. महाराष्ट्राच्या राजकारणाशी माझा फारसा संबंध येत नाही’ असं गडकरी म्हणाले होते.
संबंधित बातम्या
