Ram Temple | निमंत्रण नसल्याचा दावा, राम मंदिराच्या मुख्य पूजाऱ्यांच उद्धव ठाकरेंना उत्तर, ‘निमंत्रण त्यांनाच जे…’

नवी दिल्ली : अयोध्येत भव्य राम मंदिराची उभारणी सुरु आहे. मंदिर उभारणीच काम अंतिम टप्प्यात आहे. येत्या 22 जानेवारील अयोध्येत राम मंदिरात प्राण प्रतिष्ठापना सोहळा होणार आहे. या सोहळ्याच निमंत्रण कोणा-कोणाला दिलय? कोण-कोण येणार? कोणाला निमंत्रण नाही? यावरुन राजकारण रंगल आहे. अलीकडे ठाकरे गटाचे प्रमुख उद्धव ठाकरे यांनी राम मंदिर उद्घाटन सोहळ्याच निमंत्रण मिळाल नसल्याच दावा केला होता. त्यावर श्री राम जन्मभूमी मंदिराचे मुख्य पूजारी आचार्य सत्येंद्र दास यांनी उत्तर दिलय. “22 जानेवारीला भव्य प्राण प्रतिष्ठापना सोहळा होणार आहे. राम भक्तांना त्याच निमंत्रण देण्यात आलय” असं आचार्य सत्येंद्र दास म्हणाले.

“भगवान रामाच्या भक्तांनाच निमंत्रण देण्यात आलय. भाजपा भगवान रामाच्या नावावरुन राजकारण करतय असं म्हणण चुकीच आहे. आपल्या पंतप्रधानांचा सर्वत्र आदर आहे. आपल्या कार्यकाळात त्यांनी प्रचंड काम केलय. हा राजकारणाचा विषय नाही. ही त्यांची भक्ती आहे” असं मुख्य पूजारी म्हणाले.

‘उद्घाटनाचा कार्यक्रम राजकीय कार्यक्रम बनू नये’

राम मंदिराच्या उद्घाटन सोहळ्याच निमंत्रण नसल्याच्या मुद्यावरुन उद्धव ठाकरे यांनी भाजपाला टोमणे मारले. “प्राणप्रतिष्ठापना सोहळ्याच राजकारण करु नये. उद्घाटनाचा कार्यक्रम राजकीय कार्यक्रम बनू नये किंवा एकाच पक्षभोवती फिरु नये” असं उद्धव ठाकरे म्हणाले. राम मंदिराच्या उद्घाटनाचा आनंद असल्याच उद्धव ठाकरे म्हणाले. या मुद्यासाठी माझे वडिल बाळासाहेब ठाकरे यांनी लढाई दिल्याचा त्यांनी उल्लेख केला.

‘ते प्रभू रामाचा अपमान करतायत’

एएनआयशी बोलताना आचार्य सत्येंद्र दास यांनी उद्धव ठाकरे गटाचे खासदार, प्रवक्ते संजय राऊत यांचा सुद्धा चांगलाच समाचार घेतला. “संजय राऊत यांना इतका त्रास होतोय, की ते शब्दातही व्यक्त करुन शकत नाही. एकवेळ ते प्रभू रामाच्या नावावर निवडणूक लढवायचे. ज्यांचा रामावर विश्वास आहे, ते आज सत्तेत आहेत. ते कशाबद्दल बोलतायत? ते प्रभू रामाचा अपमान करतायत” अशा शब्दात आचार्य सत्येंद्र दास यांनी संजय राऊत यांचा समाचार घेतला.