शरद पवार राष्ट्रपती झाले तर मी आनंदोत्सव साजरा करेन- छगन भुजबळ
"विरोधीपक्षात शरद पवारांना उमेदवारी देण्याबाबत सकारात्मक चर्चा सुरू आहे. त्यांना उमेदवारी मिळाली आणि ते राष्ट्रपतीपदाच्या खुर्चीत विराजमान झाले तर मला आनंद होईल", असं छगन भुजबळ यांनी म्हटलंय.
मुंबई : सध्या देशात राष्ट्रपती पदासाठी निवडणूक होत आहे. यासाठी विरोधीपक्षाची मोट बांधणी सुरू आहे. यात शरद पवारांचं नाव आघाडीवर आहे. त्यांना उमेदवारी मिळण्याची शक्यता आहे. त्यावर मंत्री छगन भुजबळ (Chhagan Bhujbal) यांनी यावर प्रतिक्रिया दिली आहे. “विरोधीपक्षात शरद पवारांना (Sharad Pawar) उमेदवारी देण्याबाबत सकारात्मक चर्चा सुरू आहे. त्यांना उमेदवारी मिळाली आणि ते राष्ट्रपतीपदाच्या खुर्चीत विराजमान झाले तर मला आनंद होईल”, असं छगन भुजबळ यांनी म्हटलंय.
भुजबळ काय म्हणाले?
“विरोधीपक्षात शरद पवारांना उमेदवारी देण्याबाबत सकारात्मक चर्चा सुरू आहे. त्यांना उमेदवारी मिळाली आणि ते राष्ट्रपतीपदाच्या खुर्चीत विराजमान झाले तर मला आनंद होईल”, असं छगन भुजबळ यांनी म्हटलंय.
21 जुलैपर्यंत नव्या राष्ट्रपतींची निवड प्रक्रिया पूर्ण होईल. अश्यात यंदा पवारांनी राष्ट्रपती व्हावं, यासाठी महाराष्ट्र काँग्रेस आग्रही आहे. काँग्रेस प्रदेशाध्यक्ष नाना पटोलेंनी तसं ट्विट केलं आहे. “महाराष्ट्राची व्यक्ती देशाची राष्ट्रपती होत असेल तर याचा मला आनंदच होईल.शरद पवारांकडे राष्ट्रपतीपद येणार असेल तर काँग्रेसचा त्याला पूर्ण पाठिंबा असेल”, असं ट्विट नाना पटोलेंनी केलंय. या ट्विटची सध्या जोरदार चर्चा आहे.
महाराष्ट्राची व्यक्ती देशाची राष्ट्रपती होत असेल तर याचा मला आनंदच होईल.#Maharashtra pic.twitter.com/IlLgZMliIe
— Nana Patole (@NANA_PATOLE) June 12, 2022
राष्ट्रपतीपद आणि शरद पवार
शरद पवार यांच्या राजकीय सामाजिक वावराला 50 वर्षाहून अधिक काळ पूर्ण झाला. पवारांच्या राजकीय गुगलीची भल्याभल्या राजकीय उस्तादांना उकल होत नाही. पण सगळ्यांना पुरून उरणाऱ्या पवारांना पंतप्रधान आणि राष्ट्रपतीपदाने कायम हुलकावणी दिली आहे. देशाचं घटनात्मक सर्वोच्चपद कायम त्यांच्या नावाच्या भोवती चर्चेत राहिलं. पण त्या खुर्चीत बसण्याचा मान त्यांना मिळाला नाही.
