मोहन भागवत साधणार Gen -Z शी संवाद; अभिजीत दीपकेंची एका वाक्यात प्रतिक्रिया; थेट म्हणाला…

दिल्लीतील जंतर मंतर येथे झालेल्या कॉकरोच जनता पार्टीच्या आंदोलनाने संपूर्ण देशाचे लक्ष वेधले. नीट पेपरफुटी प्रकरणी सीजेपीने केंद्रीय शिक्षण मंत्री धर्मेंद्र प्रधान यांचा राजिनाम्याची मागणी केली होती. त्यांची ही मागणी पूर्ण होताच सीजेपीचा संस्थापक अभिजीत दीपके सध्या चांगलेच चर्चेत आहे. नुकताच त्यांनी माध्यमांशी संवाद साधत मोठे विधान केला आहे.

मोहन भागवत साधणार Gen -Z शी संवाद?

माध्यमांशी बोलताना अभिजीत दीपके म्हणाले की, मला प्रशांत किशोर यांना खूप खूप शुभेच्छा द्यायच्या आहेत आणि लोकशाहीमध्ये असंच असलं पाहिजे. जसं मी थोडावेळ आधी म्हणत होतो की आरएसएस जो संवाद साधणार आहे Gen-Zसोबत त्यासाठी तुम्ही नवीन चेहरे आणा. प्रशांत किशोर हे पण राजकारणातील नवा चेहरा आहे, ते जिंकून आले आहेत, त्यांना खूप खूप शुभेच्छा. आणि असं झालं पाहिजे की जास्तीत जास्त नवीन लोकांनी पुढे आले पाहिजे.

झारखंड येथील आंदोलनावर काय म्हणाला?

झारखंडमध्ये विद्यार्थी आंदोलन करत आहेत. त्यांच्या आंदोलनाचा अकरावा दिवस आहे. त्याविषयी बोलताना अभिजीत दीपके म्हणाले की, हो माझं जे बोलणं झालं आहे ते त्यात त्यांनी तेच सांगितलं. मला त्यांनी सांगितलं की त्यांना तिथे टेंट लावून देत नाहीयेत, वॉशरुमची सुविधा नाहीये. एका प्रकारे जसं आम्हाला जंतर मंतर येथे करण्यात आलं तसंच त्या विद्यार्थांनाही करण्यात आलं आहे. तर मी त्या विद्यार्थांना सांगितलं आहे की कॉकरोच जनता पार्टी पूर्णपणे त्यांच्या बरोबर आहे. त्यांच्या आंदोलनाला मजबूत करण्यासाठी जे काही करता येईल ते आम्ही करु. त्यांचे जे काही डिमांड आहेत त्याचे आम्ही पूर्णपणे समर्थन करतो.