भाजप आणि बजरंग दलाला ISI पैसे देते : दिग्विजय सिंह

भोपाळ (मध्य प्रेदश) : भाजप आणि बजरंग दलाला पाकिस्तानची गुप्तचर यंत्रणा आयएसआय (ISI) पैसे पुरवते, असा धक्कादायक आरोप दिग्विजय सिंह यांनी भाजपावर केला आहे. काँग्रेसचे वरिष्ठ नेते आणि मध्य प्रदेशचे माजी मुख्यमंत्री दिग्विजय सिंह (Digvijay Singh) यांच्या वक्तव्याने आज (1 सप्टेंबर) वाद निर्माण झाला आहे.

दिग्विजय सिंह यांच्या वक्तव्यावरुन सध्या सत्ताधारी भाजपने समाचार घेतला आहे. तसेच मध्य प्रदेशचे भाजप नेते आणि माजी मुख्यमंत्री शिवरांज सिंह यांनीही दिग्विजय सिंह यांच्या वक्तव्यांवर टीका केली आहे.

“पाकिस्तानची गुप्तचर यंत्रणा आयएसआयसाठी मुस्लीम कमी आणि गैर मुस्लीम अधिक काम करत आहेत”, असंही दिग्विजय सिंह म्हणाले.

#WATCH MP: Congress leader Digvijaya Singh says, “Bajrang Dal, Bharatiya Janata Party (BJP) are taking money from ISI (Inter-Services Intelligence). Attention should be paid to this. Non-Muslims are spying for Pakistan’s ISI more than Muslims. This should be understood.” (31.08) pic.twitter.com/NPxltpaRZA

— ANI (@ANI) September 1, 2019

दिग्विजय सिंह यांच्या या वादग्रस्त वक्तव्यावर मध्य प्रदेशचे माजी मुख्यमंत्री शिवराज सिंह चौहान यांनी टीका केली. “दिग्विजय सिंह चर्चेत राहण्यासाठी असं वक्तव्य करत आहेत. ते आणि त्यांचे नेते पाकिस्तानची भाषा बोलतात. भाजप आणि आरएसएसची देशभक्ती सर्व जगाला माहित आहे”, असं शिवराज सिंह चौहान म्हणाले.

Congress leader Digvijaya Singh had y’day in MP’s Bhind said, “Bajrang Dal, Bharatiya Janata Party (BJP) are taking money from ISI (Inter-Services Intelligence). Attention should be paid to this. Non-Muslims are spying for Pak’s ISI more than Muslims. This should be understood.” https://t.co/Ekm7r3C11n

— ANI (@ANI) September 1, 2019

दिग्विजय सिंह यांनी केलेले ट्वीट

नुकतेच मध्य प्रदेशच्या पोलिसांनी दहशतवाद्यांना पैसे पुरविण्याच्या प्रकरणात 5 आरोपींना अटक केली होती. यावर दिग्विजय सिंह यांनी कमलनाथ सरकारला शुभेच्छा देत शिवराज सिंह, गृहमंत्री अमित शाह आणि राष्ट्रीय सल्लागार अजित डोभाल यांच्यावर निशाणा साधला.

शिवराज जी अब बतायें देश द्रोही कौन है? क्या पाकिस्तान के लिये खुफियागिरी करने वालों को बचाने वाला देश द्रोही है या नहीं? अमित शाह जी अजीत दोवाल जी देश द्रोही तो आपके घर में निकले।

— digvijaya singh (@digvijaya_28) August 24, 2019

“शिवराजजी आता सांगा देशद्रोही कोण आहे? पाकिस्तानसाठी गुप्त माहिती पुरविणाऱ्यांना वाचवणारा देशद्रोही आहे की नाही? अमित शाह, अजित डोभालजी देशद्रोही तर तुमच्या घरात आहेत”, असं ट्वीट दिग्विजय सिंह यांनी केले होते.