Eknath Shinde : माझ्याकडे 50 पेक्षा जास्त आमदार, शिंदेंच्या दाव्यानं शिवसेनेला मोठा हादरा, मग पत्रावर 37 सह्याच का?

मुंबई : बंडखोर एकनाथ शिंदे (Eknath Shinde News) यांनी केलेल्या खळबळजनक दाव्यानं आता तर शिवसेना (Shiv sena News) पूर्णतः हादरली आहे. पन्नासपेक्षा जास्तीचे आमदार आमच्यासोबत आहेत, असा दावा एकनाथ शिंदे यांनी केलाय. दोन तृतीआंशपेक्षा जास्त आमदार (List Of Shiv sena MLA in 20219) आमच्याकडे असून अपक्ष आमदारही आहेत, असं ते म्हणालेत. नंबर आमच्याकडे आहेत. जेवढे पाहिजे त्यापेक्षा जास्त आमदार आमच्याकडे आहेत, असंही शिंदेंनी म्हटलंय. नोटीसला आम्ही घाबरत नाही, महिला भगिनींनाही नोटीस पाठवल्या आहेत. आम्ही त्या नोटीसीला भीक घालत नाही. तुम्हाला निलंबनाचा अधिकारच नाही. कायद्यापेक्षा कुणी मोठं नाही, असं म्हणत एकनाथ शिंदेंनी आव्हान दिलंय. टीव्ही 9 मराठीने त्यांच्याशी फोनवरुन संपर्क साधला होता. त्यावेळी ते बोलत होते.

पाहा VIDEO :

2019च्या निवडणुकीमध्ये शिवसेनेचे एकूण 56 आमदार निवडून आले होते. त्यापैकी एका आमदाराचं निधन झाल्यामुळे शिवसेनेच्या विधानसभेतील आमदारांची संख्या ही 55 झाली होती. त्यापैकी दोन तृतींआंश पेक्षा जास्त आमदार हे एकनाथ शिंदे गटात सामील झाल्याचा दावा खुद्दे शिंदे यांनी केला आहे. असं असलं तरी राज्यपालांना देण्यात आलेल्या पत्रामध्ये शिवसेनेच्या बरोबर 37 आमदारांचीच नावं आणि सह्या होत्या. असं नेमकं का केलं गेलं? ही देखील शंका आहेच. यावरुनही राजकीय तर्क वितर्क लढवले जात आहेत.

तर दुसरीकडे शिवसेनेकडून बारा आमदारांचं निलंबन केलं जावं, अशी मागणी विधानसभा उपाध्यक्ष नरहरी झिरवळ यांच्याकडे करण्यात आली आहे. तसं पत्रही शिवसेनेकडे पाठवण्यात आलेली आहे. मात्र ही मागणी अवैध आणि बेकायदेशीर आहे, असं एकनाथ शिंदे यांनी म्हटलंय. शिवसेनेकडे आमदारांचं संख्याबळ नसतात, ते अशाप्रकारची कारवाई करुच शकत नाही, असं म्हटलं होतं.

एकनाथ शिंदे यांनी राज्यपालांना दिलेल्या पत्रवर सद्या असलेले ते 37 आमदार कोण आहेत, यावरही एक नजर टाका

1. एकनाथ शिंदे
2. भरत गोगावले
3. विश्वनाथ भोईर
4. महेंद्र थोरवे
5. शांताराम मोरे
6. श्रीनिवास वनगा
7. लता सोनवणे
8. संजय शिरसाट
9. ज्ञानराज चौगुले
10. यामिनी जाधव
11. शहाजी पाटील
12. तानाजी सावंत
13. शंभूराज देसाई
14. महेश शिंदे
15. प्रकाश सुर्वे
16. संजय रायमुलकर
17. महेंद्र दळवी
18. संदीपान भुमरे
19. रमेश बोरनारे
20. बालाजी किणीकर
21. अब्दुल सत्तार
22. प्रदीप जैस्वाल
23. संजय गायकवाड
24. चिमणराव पाटील
25. अनिल बाबर
26. सुहास कांदे
27. प्रताप सरनाईक
28. बालाजी कल्याणकर
29. किशोर पाटील
30. योगेश कदम
31. दीपक केसरकर
32. मंगेश कुडाळकर
33. गुलाबराव पाटील
34. सदा सरवणकर
35. प्रकाश आविटकर
36. दादा भुसे
37. संजय राठोड

वाचा LIVE घडामोडी : Eknath Shinde vs Shiv Sena LIVE