सांगलीत गोपीचंद पडळकरांनी डिजीटल गनिमी कावा नेमका कसा साधला? पाहा Video

सांगलीत गोपीचंद पडळकरांनी डिजीटल गनिमी कावा नेमका कसा साधला? पाहा Video
सांगलीमध्ये गोपीचंद पडळकर यांचा गनिमी कावा
Image Credit source: TV9

मेंढपाळांच्या हस्ते पुण्यश्लोक अहिल्यादेवी होळकर यांच्या पुतळ्याचं लोकार्पण करण्याची मागणी पडळकर आणि खोतांनी केली. मात्र, पोलिसांनी त्यांना रोखून धरलं. अशावेळी पडळकर यांनी पुन्हा एकदा पोलिसांना चकवा देत डिजीटल गनिमी कावा केलाय!

शंकर देवकुळे

| Edited By: सागर जोशी

Mar 27, 2022 | 7:45 PM

सांगली : पुण्यश्लोक अहिल्यादेवी होळकर यांच्या पुतळ्याच्या लोकार्पणावरुन राज्यात नवा वाद पाहायला मिळतोय. अहिल्यादेवी होळकर यांच्या सांगलीतील पुतळ्याचं लोकार्पण राष्ट्रवादी काँग्रेसचे सर्वेसर्वा शरद पवार (Sharad Pawar) यांच्या हस्ते होणार आहे. मात्र, पवारांच्या हस्ते होणाऱ्या या लोकार्पण सोहळ्याला भाजप आमदार गोपीचंद पडळकर (Gopichand Padalkar) यांनी तीव्र विरोध केलाय. इतकंच नाही तर आज सांगलीमध्ये पडळकर आणि सदाभाऊ खोत (Sadabhau Khot) यांच्या नेतृत्वात शेकडो कार्यकर्ते सांगलीत जमा झाले होते. यावेळी मेंढपाळांच्या हस्ते लोकार्पण करण्याची मागणी पडळकर आणि खोतांनी केली. मात्र, पोलिसांनी त्यांना रोखून धरलं. अशावेळी पडळकर यांनी पुन्हा एकदा पोलिसांना चकवा देत डिजीटल गनिमी कावा केलाय!

पडळकरांनी गनिमी कावा कसा साधला?

एकीकडे गोपीचंद पडळकर आणि सदाभाऊ खोत यांच्यासह शेकडो कार्यकर्त्यांना मल्हारराव होळकर चौकात पोलिसांनी अडवून धरलं होतं. त्यावेळी ढोल आणि धनगरी गाण्यांवर कार्यकर्त्यांचं पारंपरिक नृत्य, घोषणाबाजीने वातावरण चांगलंच तापलं होतं. पडळकर आणि खोत सातत्यानं पोलिसांसोबत चर्चा करत होते. आमचे पाच मेंढपाळ जातील आणि पुतळ्याचं लोकार्पण करतील, त्यासाठी परवानगी द्या, अशी मागणी ते पोलिसांकडे करत होते. जवळपास पाच ते सहा तास हा सगळा ड्रामा सुरु होता. त्याचवेळी ड्रोनद्वारे अहिल्यादेवी होळकर यांच्या पुतळ्यावर पुष्पवृष्टी करण्यात आली आणि आमच्या दृष्टीने लोकार्पण पार पडल्याचा दावा पडळकर यांनी केला.

ड्रोनद्वारे पुतळ्यावर पुष्पवृष्टी

लोकांनी एखादी गोष्ट मनावर घेतली, लोकांनी कुठलं काम हाती घेतलं की कितीही पोलीस बंदोबस्त लावला तरी ते काम अडत नाही. 21 व्या शतकात टेन्कोलॉजीचा वापर करुन आम्ही ड्रोनद्वारे मेंढपाळांच्या हस्ते अहिल्यादेवी होळकर यांच्या पुतळ्यावर पुष्पवृष्टी केली आहे. आमच्या दृष्टीने लोकार्पण सोहळा पार पडलाय. आम्ही ठरवलं होतं की पोलिसांसोबत कुठलाही वाद न करता हा सोहळा पार पाडायचा आणि आम्ही ते करुन दाखवलं आहे. आता पोलिसांनी आमच्या चार पोरांना ताब्यात घेतलं आहे. त्यांना सोडायला जातोय. त्यांना सोडल्याशिवाय आमचं काम पूर्ण होणार नाही, अशी प्रतिक्रिया पडळकर यांनी माध्यमांशी बोलताना दिलीय.

इतर बातम्या : 

Breaking : पडळकरांचा डिजीटल गनिमी कावा! अहिल्यादेवी होळकर स्मारकावर ड्रोनद्वारे पुष्पवृष्टी, लोकार्पण केल्याचा दावा

‘हा ड्रामा, हे ड्रामेबाज म्हणजे महाराष्ट्रात साचलेली घाण’, सोमय्या, पडळकरांच्या आंदोलनावर अमोल मिटकरींची तिखट शब्दात टीका

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें