मनसे-भाजप महायुती होणार की नाही?, गुलाबराव पाटलांनी मुहूर्त सांगितला…

मुंबई : राज ठाकरे (Raj Thackeray) आणि एकनाथ शिंदे, देवेंद्र फडणवीस यांच्या वाढत्या भेटी पाहता युतीच्या चर्चांना उधाण आलंय. दोन दिवसाआधी हे तिन्ही नेते एकाच मंचावर दिसले. मनसेच्या वतीने दीपोत्सवाचं आयोजन करण्यात आलं होतं. तेव्हा शिंदे आणि फडणवीस या कार्यक्रमाला उपस्थित होते. अशात राज्याचे पाणीपुरवठा मंत्री गुलाबराव पाटील (Gulabrao Patil) यांनी युतीवर भाष्य केलंय.

राज ठाकरे आणि एकनाथ शिंदे, देवेंद्र फडणवीस यांचं एकत्र येणं, स्वाभाविक असेल, असं गुलाबराव पाटील म्हणालेत.

राज ठाकरे आणि एकनाथ शिंदे, देवेंद्र फडणवीस हे तीन मोठे नेते पहिल्यांदा एकत्र आले नाहीत. तर याआधीही त्यांच्या भेटी झाल्या आहेत. युती होणार की नाही हे लवकरच कळेल. दिवाळीनंतर याबाबतची स्पष्टता येईल, असं गुलाबराव पाटील म्हणालेत.

मुंबईच्या दादरमधील शिवाजी पार्कवरच्या मनसेच्या दीपोत्सवाला मुख्यमंत्री शिंदे, देवेंद्र फडणवीस उपस्थित होते. तेव्हा राज ठाकरे आणि शिंदे-फडणवीस एकाच मंचावर पाहायला मिळाले.

याआधीही राज ठाकरे आणि एकनाथ शिंदे, राज ठाकरे आणि देवेंद्र फडणवीस यांच्या भेटी झाल्या आहेत. तसंच भाजप आणि शिंदेगटातील नेत्यांनी राज ठाकरेंची भेट घेतली आहे. भाजप प्रदेशाध्यक्ष चंद्रशेखर बावनकुळे यांनीही, शिंदेगटाचे नेते तानाजी सावंत यांनी राज ठाकरेंची भेट घेतली आहे.

राज ठाकरेंनी मागच्या काही दिवसांपासून हिंदुत्वावर अधिक आक्रमक भूमिका घेतली. त्यात या वाढत्या भेटींमुळे युतीच्या चर्चा होत आहेत. आता यावर गुलाबराव पाटलांनी प्रतिक्रिया दिली आहे.