कोविन-अॅपमधील त्रुटी गंभीर, प्रत्येक राज्याला स्वतंत्र अॅप निर्मितीची परवानगी द्या, जयंत पाटलांची मागणी
केंद्र सरकारने प्रत्येक राज्याला स्वतंत्र अॅप निर्मितीची परवानगी द्यावी, अशी मागणी राष्ट्रवादी काँग्रेसचे प्रदेशाध्यक्ष आणि जलसंपदा मंत्री जयंत पाटील यांनी केली आहे. (Jayant Patil demand corona vaccine registration app)
मुंबई : देशभरात कोरोना लसीकरण मोहिम सुरु आहे. लस घेण्यापूर्वी सर्व नागरिकांना अॅपवर नोंदणी करणे आवश्यक आहे. मात्र केंद्राने सांगितलेल्या कोविन अॅपमध्ये तांत्रिक अडचणी येत आहे. त्यामुळे लाखो नागरिकांची गैरसोय होत आहे. या पार्श्वभूमीवर केंद्र सरकारने प्रत्येक राज्याला स्वतंत्र अॅप निर्मितीची परवानगी द्यावी, अशी मागणी राष्ट्रवादी काँग्रेसचे प्रदेशाध्यक्ष आणि जलसंपदा मंत्री जयंत पाटील यांनी केली आहे. (Jayant Patil demand to Allow each state to create a separate app for corona vaccine registration)
कोविन-अॅपमधील तांत्रिक अडचणींमुळे लाखो लोकांची गैरसोय होत आहे. त्यामुळे भारत सरकारने लसीकरण अॅपचे संपूर्ण विकेंद्रीकरण करावे, असेही जयंत पाटील म्हणाले.
“कोविन-अॅपमधील त्रुटी गंभीर”
कोविन-अॅप मध्ये अनेक तांत्रिक त्रुटी येत आहेत. लॉगिन व ‘OTP’साठी विलंब अशा अनेक तक्रारी येत आहेत. एका मध्यवर्ती अॅपवरून जवळपास 1.3 अब्ज भारतीयांची वेळेवर नोंदणी होणे, हे अत्यंत आव्हानात्मक आहे. या परिस्थितीत महत्त्वपूर्ण अशा लसीकरण कार्यक्रमाची अंमलबजावणी प्रणाली मर्यादित स्वरूपाची आहे. त्यातील त्रुटी या अत्यंत गंभीर स्वरूपाच्या आहेत असेही जयंत पाटील यांनी नमूद केले.
The sheer number of complaints of CoWin platform – technical lags, login issues and OTP delays – reflects serious logistical concerns. It is indeed a challenge to timely register 1.3 billion Indians on one central platform. (1/3) https://t.co/ToF19mVMC2
— Jayant Patil- जयंत पाटील (@Jayant_R_Patil) May 10, 2021
“प्रत्येक राज्याला स्वतंत्र अॅप तयार करुन द्या”
महाराष्ट्राचे मुख्यमंत्री उद्धव ठाकरे यांनी पंतप्रधान नरेंद्र मोदी यांना प्रत्येक राज्याला स्वतंत्र अॅप तयार करून द्यावे किंवा महाराष्ट्र सरकारला स्वतःची अॅप निर्माण करण्याची परवानगी देण्यात यावी अशी विनंती केली होती. केंद्रसरकारने यावर तात्काळ विचार करावा असेही जयंत पाटील म्हणाले. (Jayant Patil demand to Allow each state to create a separate app for corona vaccine registration)
There are still millions who are at a disadvantage due to technological inequalities. Our efforts should make the process simpler and inclusive for everyone. GoI must decentralise the vaccination platform to all States so that it can be redesigned to accommodate everyone. (3/3)
— Jayant Patil- जयंत पाटील (@Jayant_R_Patil) May 10, 2021
संबंधित बातम्या :
जेनेलियाच नाही, विलासरावांच्या तिन्ही सुनांचे फिल्मी बॅकग्राऊण्ड, धाकट्या सूनबाई अभिनेत्याची बहीण
शरद पवारांचे कट्टर विरोधक, बारामतीचे माजी खासदार संभाजीराव काकडे यांचं निधन
