Anil Parab : माझ्या तक्रारीच्या आधारावरती धाडी टाकल्या जात आहेत, किरीट सोमय्यांची अनिल परब यांच्यावरती जोरदार टीका
किरीट सोमय्यांनी अनिल परब यांच्यावरती जोरदार टीका केली. "सात कोटी रुपये व्हाईटचे वापरले, 25 कोटी ब्लॅक आणि सात कोटी व्हाईट, हे अनिल परबांनी दाखवलेले नाहीत" त्यामुळे अनिल परब यांच्यावरती कारवाई होत आहे.
मुंबई – अनिल परब (Anil Parab) यांच्या संबंधित मालमत्तांवरती सकाळपासून सात ठिकाणी ईडीची (ED) छापेमारी सुरू झाली आहे. त्यामुळे महाराष्ट्रातलं राजकारण तापलं आहे. महाविकास आघाडीच्या नेत्यांकडून भाजपकडून (BJP) सुडबुद्धीने राजकारण सुरू असल्याची टीका केली जात आहे. तसेच विरोधकांकडून योग्य कारवाई केल्याचं म्हटलं जात आहे. कारवाई संपल्यानंतर अनिल परब यांच्यावरती कोणती कारवाई होणार याकडे सगळ्यांचे लक्ष लागले आहे. “परबांनी बांधलेला रिसॉर्ट पाडण्याचे आदेश ठाकरे सरकारनं दिला आहे. चार दिवसांपूर्वी केंद्र सरकारनं सांगितलं की, अनिल परबांना जी मुदत दिलेली होती, ती 2 मे 2022 ला संपली आहे. आता रिसॉर्टचं वीजपाणी बंद केलं पाहिजे. ज्या धाडी टाकल्या जात आहेत, त्या माझ्या तक्रारींच्या आधारे टाकल्याचं दिसतंय असं किरीट सोमय्यांनी मीडियाला सांगितलं.
रिसॉर्ट संबंधी आर्थिकबाबा अनिल परब पाहतात
किरीट सोमय्यांनी अनिल परब यांच्यावरती जोरदार टीका केली. “सात कोटी रुपये व्हाईटचे वापरले, 25 कोटी ब्लॅक आणि सात कोटी व्हाईट, हे अनिल परबांनी दाखवलेले नाहीत” त्यामुळे अनिल परब यांच्यावरती कारवाई होत आहे. तसेच सदानंद कदम आणि अनिल कदमांच्या सीएनेच याबाबत माहिती दिली आहे. संबंधित दापोलीतील फार्म हाऊसचे इलेक्ट्रीक मीटर अनिल परबांच्या नावे आहे, बिलही तेच भरत आहेत. प्रॉपर्टी टॅक्सही तेच भरत आहेत. 25 कोटीची प्रॉपर्टी आहे असं ते सांगतात, पण त्यांनी याची माहिती कुठे दिलेली नाही असाही टोला किरीट सोमय्यांनी अनिल परबांना लगावला.
अनिल परबांचा रिसॉर्ट पुढे बेनामी असल्याचं घोषित होईल
अनिल परबांचा रिसॉर्ट पुढे बेनामी असल्याचं घोषित केलं जाणार आहे. काळ्या पैशाची चौकशी इनकम टॅक्सने केली पाहिजे. अनिल परबांनी खोट्या पद्धतीनं कागदपत्र मिळवले आहे. वेगवेगळे गुन्हे अनिल परबांनी आत्तापर्यंत केलेले आहेत. त्यांना अटक व्हायलाच हवी, अशी मागणी किरीट सोमय्यांनी केली आहे. अनिल देखमुख, नवाब मलिक आणि आत्ता अनिल परबवरती कारवाई सुरू झाली आहे.
त्यामुळे त्यांनी आपला बोजा बिस्तरा गुंडाळावा असं देखील म्हटलं आहे.
