Mahadev Jankar : रामदास आठवलेंपाठोपाठ आता महादेव जानकरांचीही मंत्रिपदाची मागणी, महामंडळावरही केला दावा

Mahadev Jankar : रामदास आठवले यांनीही रिपाइंला मंत्रिपद देण्याची मागणी केली आहे. शिंदे-फडणवीस सरकारमध्ये आम्हाला मंत्रिपद द्यायला हवं. मागच्या सरकारमध्ये आम्हाला महायुतीच्या माध्यमातून मंत्रिपद मिळालं होतं. त्यामुळे नव्या सरकारमध्ये रिपाइंला संधी मिळायला हवी, असंही ते म्हणाले.

Mahadev Jankar : रामदास आठवलेंपाठोपाठ आता महादेव जानकरांचीही मंत्रिपदाची मागणी, महामंडळावरही केला दावा
रामदास आठवलेंपाठोपाठ आता महादेव जानकरांचीही मंत्रिपदाची मागणी, महामंडळावरही केला दावाImage Credit source: tv9 marathi
Follow us
| Updated on: Aug 08, 2022 | 1:00 PM

नवी दिल्ली: रिपब्लिकन पक्षाचे राष्ट्रीय अध्यक्ष रामदास आठवले (ramdas athawale) यांनी राज्यात रिपाइंला मंत्रिपद देण्याची मागणी भाजपकडे केली आहे. त्यांनी उपमुख्यमंत्री देवेंद्र फडणवीस (devendra fadnavis) यांची भेट घेऊन ही मागणी केली आहे. आठवलेंपाठोपाठ आता राष्ट्रीय समाज पार्टीचे नेते महादेव जानकर (Mahadev Jankar) यांनीही भाजपकडे मंत्रिपदाची मागणी केली आहे. भाजपने मित्र पक्षांना सत्तेत वाटा दिला पाहिजे. आम्हाला एक कॅबिनेट मंत्रिपद आणि एक महामंडळ दिलं पाहिजे, अशी मागणी महादेव जानकर यांनी केली आहे. त्यामुळे शिंदे-फडणवीस काय निर्णय घेतात याकडे सर्वांचं लक्ष लागलं आहे. शिवसेनेतून 40 आमदारांनी बंड केलं आहे. तसेच दहा अपक्ष आमदारांनीही शिवसेनेची साथ सोडून एकनाथ शिंदे यांना पाठिंबा दिला आहे. त्यात काहीजणांनी तर मंत्रिपदावरही पाणी सोडलं आहे. त्यामुळे या सर्वांना मंत्रिमंडळात सामावून घेताना मित्र पक्षालाही मंत्रिमंडळात भाजप कसे स्थान देणार याकडेही सर्वांचं लक्ष लागलं आहे.

महादेव जानकर दिल्लीत आले होते. यावेळी त्यांनी मीडियाशी संवाद साधला. महाराष्ट्र मंत्रिमंडळ विस्तारात भाजपच्या मित्रपक्षांना वाटा मिळायला हवा. रासपला एक कॅबिनेट मंत्रिपद आणि एक महामंडळ मिळावं. भाजपने मित्रपक्षांचा सन्मान ठेवावा. पुढील दोन तीन दिवसात होणाऱ्या मंत्रिमंडळ विस्तारात रासपला वाटा दिला पाहिजे, अशी मागणी महादेव जानकर यांनी केली आहे.

हे सुद्धा वाचा

मंत्रीपद आणि महामंडळेही हवेत

दरम्यान, रामदास आठवले यांनीही रिपाइंला मंत्रिपद देण्याची मागणी केली आहे. शिंदे-फडणवीस सरकारमध्ये आम्हाला मंत्रिपद द्यायला हवं. मागच्या सरकारमध्ये आम्हाला महायुतीच्या माध्यमातून मंत्रिपद मिळालं होतं. त्यामुळे नव्या सरकारमध्ये रिपाइंला संधी मिळायला हवी, असंही ते म्हणाले. आठवले यांनी उपमुख्यमंत्री देवेंद्र फडणवीस यांची भेट घेतली होती. यावेळी त्यांनी फडणवीस यांच्याकडे आपली मागणी ठेवली. रिपाइंला एक मंत्रिपद, महामंडळाचं अध्यक्ष, उपाध्यक्ष आणि संचालकपद द्यावे. तसेच शासनाच्या विविध कमिट्यांवर रिपाइंच्या कार्यकर्त्यांना संधी देण्यात यावी, अशी मागणीही आठवले यांनी फडणवीस यांच्याकडे केली. त्यावर रिपाइंच्या मागण्यांचा विचार करण्याचं आश्वासन फडणवीस यांनी दिल्याचं आठवले म्हणाले.

रिपाइंला मुंबईत युती हवी

यावेळी आठवले यांनी मुंबई, ठाण्यासह राज्याच्या इतर महापालिकेत रिपाइं, शिंदे गट आणि भाजपची युती व्हावी, अशी इच्छा बोलून दाखवली आहे. युतीत रिपाइंला सन्मानजनक जागा मिळाव्यात अशी अपेक्षाही आठवले यांनी व्यक्त केली आहे. तसेच या युतीत मनसेला घेण्यास आठवले यांनी विरोध केल्याचंही सांगण्यात येतं.

Non Stop LIVE Update
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.