Imtiaz Jalil : उपराष्ट्रपतीपदाच्या निवडणुकीत MIMचा मार्गारेट अल्वांना पाठिंबा, इम्तियाज जलील यांची माहिती

नवी दिल्ली : नवी दिल्लीत राष्ट्रवादीचे अध्यक्ष शरद पवारांच्या (Sharad Pawar) निवासस्थानी झालेल्या बैठकीत एमआयएमचे खासदार इम्तियाज जलील उपस्थित होते. जलील म्हणाले, उपराष्ट्रपदीपदासाठी (Vice President) दिल्लीत शरद पवार यांच्या निवासस्थानी बैठक होती. मार्गारेट अल्वा या अल्पसंख्याकांशी संबंधित आहेत. महिला उमेदवार आहेत. त्यामुळं आमच्या पक्षात विचारविनिमय झाला. त्यानंतर हा निर्णय घेण्यात आला. मार्गारेट अल्वा या यूपीएच्या उमेदवार आहेत. दिल्लीत शरद पवारांच्या घरी विरोधी पक्षाची बैठक झाली. बैठकीत उपराष्ट्रपतीपदाच्या निवडणुकीबाबत चर्चा झाली. या बैठकीत उपराष्ट्रपतीपदाच्या उमेदवार मार्गारेट अल्वा उपस्थित होत्या. शिवसेनेकडून प्रियंका चतुर्वेदी (Priyanka Chaturvedi) या उपस्थित होत्या. विरोधी पक्षाचे महत्वाचे नेते या बैठकीत उपस्थित होते.

पाहा व्हिडीओ

कोण आहेत मार्गारेट अल्वा

काँग्रेसच्या यूपीएप्रणित आघाडीने उपराष्ट्रपती पदासाठी काँग्रेस पक्षाच्या नेत्या मार्गारेट अल्वा यांची उमेदवारी जाहीर केली. त्यामुळं मार्गारेट अल्वा यांचा थेट मुकाबला भाजपप्रणित एनडीए आघाडीचे उमेदवार जगदीश धनखड यांच्याशी होईल. उपराष्ट्रपतीपदाची निवडणूक सहा ऑगस्टला होणार आहे. भारतीय राजकारणात अनेक दशकं काँग्रेसच्या मार्गारेट अल्वा कार्यरत आहेत. यूपीए सत्तेत असेपर्यंत ऑगस्ट 2014 पर्यंत त्या गोव्याच्या राज्यपाल होत्या. त्यापूर्वी त्यांनी गुजरात, राजस्थान, उत्तराखंड, अशा राज्यांचे राज्यपालपद भूषविले आहे. त्यापूर्वी अल्वा या केंद्रीय मंत्रिमंडळातही होत्या.

भाजपकडून जगदीश धनखड यांना उमेदवारी

भाजपच्या संसदीय मंडळाच्या बैठकीत उपराष्ट्रपती पदाच्या नावावर चर्चा झाली. भाजपचे अध्यक्ष जेपी नड्डा यांनी जगदीश धनखड यांच्या नावाची घोषणा केली. धनखड हे पश्चिम बंगाच्या राज्यपाल होते. पश्चिम बंगालच्या मुख्यमंत्री ममता बॅनर्जी यांच्याशी जगदीश धनखड यांच्याशी संघर्ष होत राहिला. भाजपनं धनखड यांच्या नावावर शिक्कामोर्तब केलं. धनखड हे जाट समाजाचे आहेत. पुढच्या दीड वर्षात राजस्थानात निवडणुका होणार आहेत. त्या पार्श्वभूमीवर भाजपनं त्यांना उमेदवारी दिल्याचं बोललं जातंय.