PMC election 2022 : पुण मनपाच्या प्रभाग क्र. 26 मध्ये पुन्हा महाविकास आघाडी झालीच तर घड्याळ नक्की बाजी मारणार…

पुणेः राज्यातील महानगरपालिके मुंबईनंतर महत्वाची मानली जाणारी महानगरपालिका म्हणजे पुणे. या महानगरपालिकेने मागील वर्षीच राज्यातील सगळ्यात मोठी पुणे महानगरपालिका (Pune Municipal Corporation) म्हणूनही बहुमानही मिळवला आहे. त्यामुळे आता राज्यातील महत्वाच्या राजकीय पक्षांनी महानगरपालिका निवडणुका जाहीर होताच सगळं ताकद आता पुणे महानगरपालिकेकडे वळविले आहे. पुणे महानगरपालिकेच्या प्रभाग क्र. 26 मध्ये (PMC Ward No. 26) चार विभाग आहेत. या चार विभागामध्ये दोन जागा शिवसेनेच्या आहेत तर राहिलेल्या दोन जागेवर राष्ट्रवादी काँग्रेस पक्षाचा (NCP) आणि भारतीय जनता पार्टीचा उमेदवारांनी बाजी मारली आहे.

मविआची पुन्हा वज्रमूठ हवी

त्यामुळे येत्या निवडणुकीत जर मागील सरकारच्यावेळी जशी महाविकास आघाडीने एकीचे वज्रमूठ बांधली तर या चारही जागांवर राष्ट्रवादी किंवा शिवसेनेचा उमेदवार विजयी होण्यास वेळ लागणार नाही. मात्र आता आघाडीची गणितं आणि आता नव्या शिंदे-सरकारच्या गणितामुळे आगामी निवडणुकीत काय गणितं मांडली जातात त्यावरच पुणे महानगरपालिकेच्या प्रभाग क्र. 26 अ, ब, क आणि ड चं भवितव्य ठरणार आहे.

शिवसेना भारी पडणार

पुणे महानगरपालिकेच्या मागील निवडणुकीत प्रभाग क्र. 26 मध्ये दोन जागा शिवसेनेला मिळाल्या होत्या तर दोन जागांमध्ये एक जागा ही भाजपला तर एक जागा राष्ट्रवादीला मिळाली होती. त्यामुळे आता पुणे हा राष्ट्रवादीचा बालेकिल्ला समजला जात असला तरी भाजपच्या उमेदवाराबरोबर काटे की टक्कर होणार आहे एवढं मात्र नक्की असणार आहे.

वॉ़र्ड कुठून पासून कुठपर्यंत

पुणे महानगरपालिकेच्या प्रभाग क्र. 26 मध्ये वानवडी गावठा-वैदुवाडी असा परिसर येत असून या प्रभागाची एकूण लोकसंख्या ही 59020 एवढी आहे. यामध्ये 10993 ही अनुसूचित जातीची लोकसंख्या तर अनुसुचित जमतीची 624 एवढी लोकसंख्या आहे.

तिन्ही पक्षाचा निर्णय महत्वाचा

पुणे महानगरपालिकेची ही निवडणूक आता जुलै 2022 मध्ये झालेल्या सत्ताबदलामुळे महत्वाची ठरणार आहे. यावेळी पुणे महानगरपालिकेच्या निवडणुकीत शिवसेना, काँग्रेस आणि राष्ट्रवादीने एकत्र येऊन निवडणूक लढविली तर मात्र इतर पक्षांना त्याचा फटका बसतो की फायदा होतो ते या तिन्ही पक्षांच्या निर्णयावर ठरणार आहे.