महाराजांची शपथ घेऊन सांगतो हातात जर महाराष्ट्राची सत्ता आली तर…. राज ठाकरेंनी दिली साक्ष

मुबंई : अभिनेता सुबोध भावे यांनी मनसे प्रमुख राज ठाकरेंची मुलाखात घेतली. मुलाखतीच्या शेवटच्या टप्प्यात सुबोध भावे यांनी राज ठाकरेंना एक इंटरेस्टींग प्रश्न विचारला. छपत्रती शिवाजी महाराजांची शपथ घेऊन एखाद्या गोष्ट सांगायची असेल तर तुम्ही काय सांगला? असा प्रश्न सुबोध भावे यांनी केला. मनसेच्या हातात महाराष्ट्राची सत्ता आल्यास काय करुन दाखवणार हे राज ठाकरे यांनी महाराजांची शपथ घेऊन सांगितले.

सत्ता माझ्या हातामध्ये आली तर जगाला हेवा वाटेल असा महाराष्ट्र मी लोकांना करून दाखवेन असे राज ठाकरे यांनी महाराजांची शपथ घेऊन सांगितले.

माझ्या पक्ष स्थापनेच्या वेळेला पहिल्या सभेला जे मी बोललो होतो मी महाराजांना स्मरण करून खरंच मी शपथपूर्वक सांगतो की जर ही हे राज्य माझ्या हातामध्ये आलं तर जगाला हेवा वाटेल असा महाराष्ट्र मी लोकांना करून दाखवीन असे राज ठाकरे म्हणाले.

महाराष्ट्रात परिवर्तन घडवने सहज शक्य आहे. आता नाही पण उद्या, परवा कधी ना कधी हे नक्की घडेल असा विश्वास राज ठाकरे यांनी व्यक्त केला.

पुरुष गरोदर राहणे आणि बाहेर आलेली टूथपेस्ट आत घेणे या दोन गोष्टी सोडल्या तर जगात अशक्य गोष्ट कुठलीही नाही असेही राज ठाकरे म्हणाले.