राज ठाकरे दुष्काळग्रस्त शेतकऱ्यांच्या बांधावर जाणार; दिवाळीनंतर महाराष्ट्र पिंजून काढणार, पदाधिकाऱ्यांना दिले महत्त्वाचे आदेश

राज्यातील शेतकऱ्यांवर आभाळाएवढं दुष्काळाचं संकट ओढावलं आहे. सरकार देखील दुष्काळग्रस्त शेतकऱ्यांना मदत करत आहे. परंतु सरकारची मदत तुटपुंजी असल्याची टीका विरोधक करत आहेत. या दुष्काळामुळे काही ठिकाणी पिण्याच्या पाणी मिळणेही अवघड झालं आहे. जालन्यात काही भागात 15 दिवसांत 1 वेळा पाणी मिळत आहे. संकटात सापडलेल्या शेतकऱ्यांच्या बांधावर आता मनसे अध्यक्ष राज ठाकरे देखील जाणार आहेत. राज ठाकरे दिवाळीनंतर संपूर्ण महाराष्ट्र पिंजून काढणार आहेत.

महाराष्ट्रातील शेतकरी मोठ्या संकटात सापडला आहे. दुष्काळाच्या संकटात सापडलेल्या शेतकऱ्यांच्या मदतीसाठी मनसेने हात पुढे केला आहे. राज ठाकरे हे दिवाळीनंतर महाराष्ट्रातील शेतकऱ्यांच्या भेटीसाठी जाणार आहेत. तसेच त्यांनी राज्यातील दुष्काळ परिस्थिती पाहून बाहेर पडा आणि शेतकऱ्यांच्या बाजूने उभे राहा, असे आदेश दिले आहेत. जनावरांना चारा मिळण्यासाठी मदत करा, असेही त्यांनी सांगितले. यावेळी त्यांनी मनसे बैठकीत महाराष्ट्रातील दुष्काळावर चर्चा झाल्याचे ठाकरेंनी सांगितले.

राज ठाकरे म्हणाले, राज्यातील ३२५ तालुक्यात दुष्काळ जाहीर केलाय. दुष्काळग्रस्त परिस्थितीचा आढावा घेण्यासाठी बैठक घेतली. आता दहा दिवसात माहिती येईल. दिवाळीनंतर महाराष्ट्र दौरा करणार आहे. आता दुष्काळग्रस्तांसाठी सरकार उपयायोजना काय करते ते माहीत नाही. आम्ही पक्षाकडून जे करता येणार आहे ते करू. 5 हजारांच्या मदतीने काय होणार आहे. मराठवाड्यासाठी मी सलग २० वर्ष सांगतोय. पाण्याचं नियोजन नाही केलं, वेडंवाकडं पाणी वापरलं तर माझ्याकडे एक अहवाल आहे. तर मराठवाड्यात 15-20 वर्षात वााळवंट होईल. मराठवाड्याची परिस्थिती पूर्ववत करण्यासाठी अडीचशे तीनशे वर्ष लागतील. प्रत्येकजण आपल्या पद्धतीने विचार करतोय. तिकडे बीयरचे कारखाने सुरू असून टॅप वाटर पाणी विकत आहे. बोअर खोदत आहे. कोणी कसंही पाणी विकलं जातंय’.

‘विचित्र सर्कल आहे. आजपर्यंत या सर्व शेतकऱ्यांना वापरलं गेलं. कामं न करता मतदान होत असेल शेतकरी चिडत नसेल लोक चिडत नसेल आणि मतदान होत नसले तर कशासाठी काम करायची. दुर्लक्ष झालं त्याचं कारण तेच आहे. पाच वर्ष आम्ही बोंब मारत असू आणि निवडणुकीत धर्म आणि जात येत असेल. पैशाच्या पाकिटावर मतदान होत असेल तर कोण लक्ष देईल. मी आता रिपोर्ट आणायला सांगितला. त्यानंतर आम्ही सर्व गोष्टीचा निर्णय घेऊ. कुंभमेळ्याचं. धार्मिक गोष्टींचा विचार केला पाहिजे. पिण्याचे पाणी आणि शेतीची पाणी आहे. हे संकट वाढणार आहे. पाणीच नाही अन्न धान्याची टंचाई वाढणार आहे. तांडेच्या तांडे घरातून बाहेर पडतील. जनावरांचा प्रश्न मोठा आहे. जालन्यात १५ दिवसातून एकदा पाणी येतंय. पाण्याची परिस्थिती नीट होऊ नये. पाण्याचे साठे व्हावेत यासाठी टाक्या बनवणाऱ्या कंपन्यांसाठी सरकार काम करत आहे का. टाक्या लागणारच आहे. १५ दिवसांसाठी . त्यासाठी सरकार काम करत आहे का. टँकरचे अदृश्य मालक कोण आहे. यात या लोकांचे लागे बांधे आहेत. पाणी टंचाई झाली तरी चालेल, असे राज ठाकरेंनी सांगितले.