Sanjay Raut : संजय राऊतांच्या अडचणीत वाढ, लैंगिक अत्याचार मारणाच्या धमकी प्रकरणी गुन्हा दाखल
दक्षिण मुंबईतील बॅलार्ड इस्टेट येथील ईडीच्या विभागीय कार्यालयात सहा तासांहून अधिक काळ चौकशी केल्यानंतर राऊत यांना अटक करण्यात आली आहे, असे ईडीच्या अधिकाऱ्यांनी सांगितले आहे. राऊत तपासात सहकार्य करत नसल्यामुळे अटक केली आहे.
मुंबई – शिवसेना नेते संजय राऊत (Sanjay Raut) यांच्या अडचणीत वाढ अधिक होत आहे. काल त्यांना पत्राचाळ प्रकरणी ईडीच्या (ED) अधिकाऱ्यांनी ताब्यात घेतलं. त्याचबरोबर स्वप्ना पाटकर यांनी वाकोला पोलीस ठाण्यात संजय राऊत यांच्याविरोधात जबाब नोंदवला आहे. स्वप्ना पाटकर यांना लैंगिक अत्याचार आणि जीवे ठार मारण्याची धमक आली होती. त्यामुळे संजय राऊत यांच्या विरोधात वाकोला पोलिस स्टेशनमध्ये (Vakola Police Station) गुन्हा दाखल करण्यात आला आहे. काल राऊतांच्या घरी ईडीने सकाळपासून छापेमारी केली. त्या छापेमारी त्यांना काही पैसे आढळून आल्याने राऊत यांना ईडीच्या कार्यालयात आणण्यात आले होते. रात्री उशिरा त्यांना अटक केली आहे.
स्वप्ना पाटकर यांनी पत्रात काय लिहिलं आहे
स्वप्ना पाटकर यांना धमकावल्याप्रकरणी राऊत यांच्या विरोधात वाकोला पोलिस ठाण्यात कलम 504, 506 आणि 509 अंतर्गत तक्रार दाखल करण्यात आली आहे. पाटकर या पत्राचाळ जमीन घोटाळा प्रकरणातील साक्षीदार आहेत. रविवारी रात्री एका पोलिस अधिकाऱ्याने सांगितले की, साक्षीदार स्वप्ना पाटकर यांनी वाकोला पोलिस ठाण्यात तक्रार दाखल केली आहे. पाटकर यांनी दिलेल्या पत्रात बलात्कार आणि खुनाची धमकी दिल्याचा दावा केला आहे. काही दिवसांपुर्वी त्यांनी पोलिसांशी संपर्क साधला होता. 15 जुलै रोजी हे पत्र वाकोला पोलिस स्टेशनमध्ये दिलं होतं. त्यानंतर त्यांना सुरक्षा देण्यात आल्याची माहिती त्यांनी पोलिसांनी सांगितली आहे.
राऊत तपासात सहकार्य करत नाहीत
दक्षिण मुंबईतील बॅलार्ड इस्टेट येथील ईडीच्या विभागीय कार्यालयात सहा तासांहून अधिक काळ चौकशी केल्यानंतर राऊत यांना अटक करण्यात आली आहे, असे ईडीच्या अधिकाऱ्यांनी सांगितले आहे. राऊत तपासात सहकार्य करत नसल्यामुळे अटक केली आहे.
