बाळासाहेब थोरातांनी स्वत:चं नाव बदललं, विजय ऐवजी बाळासाहेब केलं, पण औरंगाबादच्या नामकरणाला विरोध : सुधीर मुनगंटीवार

औरंगाबाद नामकरणाचा मुद्दा सध्या प्रचंड तापला आहे (Sudhir Mungantiwar slams Shiv Sena).

बाळासाहेब थोरातांनी स्वत:चं नाव बदललं, विजय ऐवजी बाळासाहेब केलं, पण औरंगाबादच्या नामकरणाला विरोध : सुधीर मुनगंटीवार
सुधीर मुनगंटीवार, भाजप नेते
Follow us
| Updated on: Jan 05, 2021 | 5:31 PM

वर्धा : औरंगाबाद नामकरणाचा मुद्दा सध्या प्रचंड तापला आहे (Sudhir Mungantiwar slams Shiv Sena). काँग्रेसचे प्रदेशाध्यक्ष बाळासाहेब थोरात यांनी नामकरणाला विरोध केला आहे. त्यांच्या या विरोधावरुन भाजपने सुधीर मुनगंटीवार यांनी निशाणा साधला आहे. “बाळासाहेब थोरातांनी स्वतःचं नाव बदललं. विजय ऐवजी बाळासाहेब केलं. औरंगजेबाचं नाव तुम्हाला प्रिय असेल पण संभाजीनगरच्या जनतेला नाही. हिटलरचं चिन्ह जगात ठेवत नाही, मग या गाझीचं कशाला ठेवता?”, असा सवाल त्यांनी केला. वर्ध्यात ‘टीव्ही 9 मराठी’सोबत बोलताना शिवसेनेवरही त्यांनी निशाणा साधला.

सुभाष देसाईंना प्रत्युत्तर

औरंगाबाद महापालिकेच्या निवडणुकीच्या पार्श्वभूमीवर भाजपने शिवसेनेला घेरण्याचा प्रयत्न केला आहे. मात्र, भाजपच्या या टीकेला शिवसेना नेते आणि राज्याचे उद्योग मंत्री सुभाष देसाई यांनी प्रत्युत्तर दिलं. सत्तेत असताना तुमचे मुख्यमंत्री पाच वर्ष झोपले होते का? असा सवाल सुभाष देसाई यांनी केला. त्यांच्या या प्रश्नाला भाजप नेते सुधीर मुनगंटीवार यांनी प्रत्युत्तर दिलं (Sudhir Mungantiwar slams Shiv Sena).

“पाच वर्षे भाजप आणि शिवसेना दोघांचे सरकार होते. शिवसेनेचे नेते तेव्हा राजीनामा खिशात घेऊन फिरायचे. मग तेव्हा राजीनामा का नाही दिला? आपल्या मुद्द्यांसाठी का प्रयत्न केला नाही? का पाठपुरावा केला नाही? किती पत्र दिले?”, असे सवाल त्यांनी केले.

“कितीतरी वर्षांपूर्वी शिवसेनाप्रमुख बाळासाहेब ठाकरे यांना दिलेलं कपोलकल्पित वचन आठवणीत राहील. ज्या काँग्रेस-राष्ट्रवादीला बाळासाहेबांनी विरोध केला सत्तेसाठी त्यांच्यासोबत गेले”, असं मुनगंटीवार म्हणाले.

“बाळासाहेब ठाकरेंनी औरंगाबाद शहराच्या नामकरणाबाबत 1988 मध्ये घोषणा केली होती. आता तुमहाला ठरवायचं आहे. आमची मदत पाहिजे असल्यास भाजप म्हणून आम्ही मदत करू. बैठक बोलवा. तुम्ही जेवढा वेळ म्हणाल तेवढा वेळ देऊ. प्रश्न शहराच्या नामकरणाचा नाही. यातील गंभीरता समजून घेतली पाहिजे. औरंगजेब आक्रमणकरी होता. तो स्वतःला गझी म्हणायचा”, असं मुनगंटीवार म्हणाले.

“बाळासाहेब ठाकरे यांचं आम्ही या औरंग्याची औलाद नाही, आम्ही संभाजीची औलाद आहो, हे वाक्य आहे. आता नाव काय द्यायचं ते सुभाष देसाईंना ठरवायचं आहे”, असंदेखील ते म्हणाले.

“औरंग्याने अत्याचार केले. सत्तेसाठी त्याचं नाव बदलायचं नसेल तर नका बदलू. बाळासाहेब ठाकरेंची इच्छा भाजपनं पूर्ण करावी, अशी इच्छा असेल तर आम्ही तयार आहोत. तुम्हाला वारसा चालवायचा नसेल तर नका चालवू. आम्ही सोबत आहोत. तुम्ही बैठक घ्या आम्ही पूर्ण शक्तीने तुमच्यासोबत आहोत. तुम्ही जरी सत्तेसाठी दूर गेले असाल तरी प्रस्ताव आणा आम्ही पाठिंबा देऊ”, अशी भूमिका त्यांनी मांडली.

संबंधित बातमी : मग तुमचे मुख्यमंत्री झोपा काढत होते का; सुभाष देसाईंचा चंद्रकांत पाटलांवर पलटवार

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.