वंचितला धक्का, प्रवक्त्यांसह दोन नगरसेवक राष्ट्रवादीत प्रवेश करणार, अजितदादांची भेट फळाला!

सोलापूर : वंचितचे प्रदेश प्रवक्ते आणि सोलापूर महापालिकेचे नगरसेवक आनंद चंदनशिवे आपल्या दोन नगरसेवकांसह राष्ट्रवादी प्रवेश करणार आहेत. त्यांनी नुकतीच उपमुख्यमंत्री अजित पवार आणि राष्ट्रवादीचे प्रदेशाध्यक्ष जयंत पाटील यांची भेट घेतली होती. अखेर चर्चेअंती त्यांनी राष्ट्रवादीचं घड्याळ आपल्या हातावर बांधण्याचा निर्णय घेतलाय.

आनंद चंदनशिवे दोन नगरसेवकांसह राष्ट्रवादीत प्रवेश करणार!

वंचित बहुजन आघाडीचे प्रदेश प्रवक्ते नगरसेवक आनंद चंदनशिवे राष्ट्रवादी काँग्रेस पक्षाच्या वाटेवर असल्याच्या होत्या चर्चा. आनंद चंदनशिवे यांनी आधी पालकमंत्री दत्तात्रय भरणे यांच्या बरोबर सलगी केली होती. मुंबईमध्ये उपमुख्यमंत्री अजित पवार, प्रदेशाध्यक्ष जयंत पाटील यांची भेट देखील घेतली होती. त्यानंतर आता त्यांनी राष्ट्रवादीत प्रवेश करण्याचा निर्णय घेतलाय.

सोलापूर महापालिकेत राष्ट्रवादीची ताकद वाढणार

आनंद चंदनशिवे यांचा राष्ट्रवादी प्रवेशामुळे पालिकेतील राष्ट्रवादीची ताकद वाढणार आहे. बहुजन समाज पार्टीतून आनंद चंदनशिवे यांनी वंचित बहुजन आघाडी मध्ये प्रवेश केला होता. मात्र आगामी महानगरपालिका निवडणुकीच्या पार्श्वभूमीवर त्यांनी वंचित बहुजन आघाडीला रामराम ठोकण्या निर्णय घेतलाय.आनंद चंदनशिवे यांच्यासोबत नगरसेवक गणेश पुजारी ,ज्योती बमगोंडा हे दोन नगरसेवक राष्ट्रवादीत प्रवेश करणार आहे.

कोण आहेत आनंद चंदनशिवे?

आनंद चंदनशिवे 2017 च्या महापालिका निवडणुकीत, दोन नगरसेवकासह निवडून आले. 2019 च्या विधानसभा निवडणुकीत भाजपचे विद्यमान आमदार विजयकुमार देशमुख यांच्याविरोधात शहर उत्तर विधानसभा मतदार संघातून निवडणूक लढवली होती. त्यात चंदनशिवे यांना 27 हजार मते मिळाली होती.

(vabnchit Bahujan Aaghadi Carporator Anand Chandanshive decided to joins NCP Met Ajit pawar)

हे ही वाचा :

वंचित आघाडीचे प्रदेश प्रवक्ते राष्ट्रवादीच्या वाटेवर, अजित पवारांच्या भेटीसाठी सोलापुरातून मुंबईत