Shivsainik Crying: रामदास कदम रडले, बांगर रडले पण या सर्व सामान्य शिवसैनिकाच्या डोळ्यातील अश्रूंनी सगळ्यांनाच रडवले; आदित्य ठाकरेंच्या सभेतील व्हिडिओ तुफान व्हायरल

मुंबई : एकनाथ शिंदे (Eknath Shinde) यांनी बंड करत महाराष्ट्रात मोठा राजकीय भूकंप केला. उद्धव ठाकरे (Uddhav Thackeray) यांना मुख्यमंत्रीपदाचा राजीनामा द्यावा लागला आणि महाविकास आघाडी सरकार कोसळले. यानंतर महाराष्ट्रात नवे शिंदे-फडणवीस सरकार स्थापन झाले. . एकनाथ शिंदे यांनी यांनी मुख्यमंत्रिपदाची शपथ घेतल्यानंतर आता शिवसेना कुणाची यावरुन वाद सुरु झाला आहे. या दरम्यान अनेक नेत्यांनी डोळ्यात अश्रू काढत शिवसेने प्रती आपली निष्ठा दाखवण्याचा प्रयत्न केला. रामदास कदम रडले, बांगर रडले या नेत्यांच्या डोळ्यातील अश्रू संपूर्ण महाराष्ट्राने पाहिले. मात्र, एका सर्व सामान्य शिवसैनिकाच्या डोळ्यातील अश्रूंनी सगळ्यांनाच रडवले आहे. आदित्य ठाकरे (Aditya Thackeray) यांच्या सभेतील एक व्हिडिओ व्हायरल झाला. आदित्य ठाकरेंचे भाषण सुरु असताना एक शिवसैनिक रडत असल्याचे या व्हिडिओत दिसत आहे. हा व्हिडिओ सोशल मिडीयावर तुफान व्हायरल होत आहे.

एकनाथ शिंदे यांच्या बंडाने शिवसेना हादरवून सोडली आहे. त्यामुळे उरलेल्या शिवसैनिकांना आपल्यासोबत ठेवण्याचा प्रयत्न सध्या आदित्य ठाकरे आणि उद्धव ठाकरे यांच्याकडून सुरू आहेत. आदित्य ठाकरे यांनी सुरु केलेल्या ‘निष्ठा यात्रे’ सध्या जोरदार चर्चा सुरु आहे. यामुळेचआदित्य ठाकरे ‘निष्ठा यात्रा’ घेऊन महाराष्ट्र पिंजून काढत शिवसैनिकांशी संवाद साधत आहेत. त्यांच्या एका सभेत शिवसैनिक रडताना पहायला मिळला.

आदित्य ठाकरेंच्या गंगापूर येथील एका सभेदरम्यानच व्हिडीओ सध्या सोशल मीडियावर व्हायरल होत आहे. आदित्य ठाकरेंचे स्टेजवर भाषण सुरु असताना एक शिवसैनिक शिवसैनिक अक्षरश: रडताना दिसत आहे. या व्हिडिओने सगळ्यांच्याच डोळ्यात पाणी आणले आहे.

एकनाथ शिंदे यांची बंडखोरी पाहून आमदार संतोष बांगर रडले, उद्धव ठाकरेंची साथ सोडू नका म्हणून हात जोडले आणि नंतर तेच शिंदे गटात सामील झाले. तर रामदास कदम यांनी नेतेपदाचा राजीनामा दिल्यानंतर त्यांची पक्षातून हकालपट्टी करण्यात आली. यानंतर ते देखील प्रसारमाध्यमांसोमर ढसाढसा रडले आणि शिंदे गटाला जाऊन मिळाले. मात्र, आदित्य ठाकरेंच्या सभेत रडणाऱ्या या सर्व सामान्य शिवसैनिकाच्या अश्रूंनी सगळ्यांचे मन हळवे करुन टाकले आहे. हीच खरी निष्ठा असं म्हणत हा व्हिडिओ सोशल मिडीयावर मोठ्या प्रमाणात शेअर होत आहे.

सर्व दौऱ्यांमध्ये सभांमध्ये आदित्य ठाकरे या बंडखोरांचा उल्लेख गद्दार असा करत आहेत. यांनी विश्वास घात केलाय. मात्र, खरी शिवसेना आपलीच आहेत ज्यांना असं वाटत असेल की गद्दारी केली, विश्वासघात केला असं वाटत असेल तर मातोश्रीवर परत या, आमचं मन मोठं आहे असे म्हणत आदित्य ठाकरे या आमदारांना परत येण्याचे आवाहनही करत आहेत.