Mercury Transit 2026: बुध ग्रह पुढच्या काही तासात कर्क राशीत करणार गोचर, या राशींसाठी अच्छे दिन
Budh Gochar 2026: राशीचक्रानुसार, प्रत्येक ग्रह एका ठरावीक कालावधीनंतर राशीबदल करत असोत. बुध ग्रह आता कर्क राशीत प्रवेश करणार आहे. त्यामुळे राशीचक्रातील काही राशींना लाभ मिळणार आहे.
बुध ग्रह हा सूर्याच्या जवळचा ग्रह असून राशी गोचर करण्याचा कालावधी वेगाने होत असतो. आता 5 ऑगस्ट 2026 रोजी बुध ग्रह कर्क राशीत प्रवेश करणार आहेत. 5 ऑगस्ट 2626 रोजी बुध ग्रहाचे गोचर संध्याकाळी 7.58 वाजता होणार आहे. हे गोचर मिथुन राशीतून कर्क राशीत होणार असून, या काळात बुध पुनर्वसू नक्षत्रात असेल. या राशीत 22 ऑगस्ट 2026 पर्यंत विराजमान असेल. बुध ग्रह कर्क राशीमध्ये एकूण 17 दिवस असेल. या कालावधीत त्याचा परिणाम राशीचक्रावर दिसून येईल. कारण कर्क ही चंद्राची अधिपत्य असलेली रास आहे. त्यात बुध ग्रह बुद्धि, वाणी, व्यवसाय, शिक्षण आणि विचारांचा दैवत मानलं जाते. त्यामुळे मनाचा कारक असलेल्या चंद्राच्या राशीत बुध येणार आहे. या 17 दिवसांच्या कालावधीत कर्क राशीमध्ये ‘बुधादित्य राजयोग’ आणि ‘त्रिग्रही योग’ प्रभावी असेल. त्याचा लाभ काही राशींना मिळणार आहे. वृषभ, मिथुन, कन्या, तूळ आणि मकर या राशींच्या जातकांना लाभ मिळेल.
या राशींना मिळणार लाभ
वृषभ: या राशीच्या तृतीय स्थानात बुध ग्रह असणार आहे. या स्थितीमुळे या राशीच्या जातकांना लाभ मिळणार आहे. बैठका, मुलाखती आणि प्रत्येक चर्चांच्या विषयात यश मिळेल. आत्मविश्वासात प्रचंड वाढ होईल. नोकरी-व्यवसायात घेतलेले धाडसी निर्णय फायदेशीर ठरतील. उपाय: तुम्ही बुधवारी हिरव्या भाज्या दान कराव्यात.
मिथुन : या राशीच्या द्वितीय स्थानात बुध ग्रह असणार आहे. खरं तर हे धन आणि वाणीचं स्थान आहे. त्यामुळे या काळात तुमच्या संवाद कौशल्य अधिक प्रभावी ठरेल. त्यामुळे तुमची रखडलेली कामही पूर्ण होतील. काही धनयोग जुळून येऊ शकतात. उपाय : ओम बं बुधाय नमः या मंत्राचा जप करावा.
तूळ: या राशीच्या दहाव्या स्थानात बुध ग्रह विराजमान होणार आहे. कर्म आणि करिअरचं स्थान आहे. त्यामुळे या कालावधीत नोकरी आणि व्यवसायात मोठी प्रगती होईल. नवीन नोकरीच्या चांगल्या संधी चालून येतील. कामाच्या ठिकाणी तुमचे वर्चस्व वाढेल.क्षुल्लक बाबींमध्ये अडकून न पडता, केवळ तुमच्या मोठ्या ध्येयांवर लक्ष केंद्रित करा. उपाय: तुम्ही हिरव्या रंगाचे कपडे गरजू व्यक्तीला दान करावेत.
मकर: या राशीच्या सप्तम स्थानात बुध ग्रह बसणार आहे. त्यामुळे वैवाहिक जीवनातील काही मतभेद संपून गोडवा वाढेल. भागीदारीत व्यवसाय करत असाल तर आर्थिक लाभ मिळेल. नवीन व्यवसायासाठी 17 दिवसांचा कालावधी चांगला राहिल. उपाय: तुम्ही नियमितपणे विष्णू सहस्रनामाचे पठण करावे.
(डिस्क्लेमर : सदर लेखातील माहिती केवळ ज्योतिषशास्त्रीय गृहीतके आणि उपलब्ध माहितीवर आधारित आहे. आम्ही यातील तथ्यांची किंवा दाव्यांची पुष्टी करत नाही. अंधश्रद्धेला प्रोत्साहन देणे हा आमचा हेतू नाही.)
