Navratri 2022 : नवरात्रीत असा करा हवन, जाणून घ्या शुभ वेळ आणि साहित्य
हिंदू धर्मात होमहवन (Home hawan) आणि यज्ञाला विशेष महत्त्व आहे ( Havan). हवन केल्याने सकारात्मक शक्तीचा निर्माण होतो. अनेक अभ्यासांमध्ये हे स्पष्ट झाले आहे की, हवन केल्याने प्रदूषणमुक्त वातावरण मिळते.
मुंबई : हिंदू धर्मात होमहवन (Home hawan) आणि यज्ञाला विशेष महत्त्व आहे ( Havan). हवन केल्याने सकारात्मक शक्तीचा निर्माण होतो. अनेक अभ्यासांमध्ये हे स्पष्ट झाले आहे की, हवन केल्याने प्रदूषणमुक्त वातावरण मिळते. यामुळे आपले आरोग्य सुधारते. धार्मिक शास्त्रानुसार, वाईट घटनांना टाळण्यासाठी किंवा इच्छा पूर्ण करण्यासाठी हवन केले जात असत. हवनमध्ये, बेलपत्र (Belpatra), कडुलिंब, कलिंगज, आंब्याचे लाकूड, पिंपळाची साल, पलाशचे रोप, देवदार वृक्षाचे खोड, बोर, कापूर, साखर, जव, तांदूळ, चंदनाचे लाकूड इत्यादी सामुग्रीला अग्नित टाकले जाते. यामधून निघणाऱ्या धुराने वातावरण शुद्ध होते. हे सर्व घटक आरोग्यासाठी फायदेशीर आहेत. शास्त्रज्ञांच्या मते, हवनात शेणाच्या गोवऱ्यांचा वापर होतो, ज्यामुळे 94 टक्के बॅक्टेरिया नष्ट होतात. याशिवाय हवन केल्याने अनेक आजारांपासून मुक्तता मिळते. नवरात्रीमध्ये, देवी मातेचे भक्त नऊ दिवस दुर्गा देवीच्या विविध रूपांची पूजा करतात आणि नवमी तिथीला हवनाने पूजा पूर्ण करतात. हवनानंतरच नऊ दिवसांची पूजा पूर्ण होते, असा समज आहे. यावेळी चैत्र नवरात्रीची नवमी तिथी 10 एप्रिल रोजी येत आहे. हवनाची शुभ वेळ, पद्धत आणि साहित्य याबद्दल जाणून घेऊया.
हवनासाठी शुभ मुहूर्त
पंचांगानुसार चैत्र नवरात्रीची नवमी तिथी शनिवार, 9 एप्रिल रोजी दुपारी 1.23 पासून सुरू होईल. दुसरीकडे, नवमी तिथी 11 एप्रिल रोजी पहाटे 3.15 वाजता समाप्त होईल. याशिवाय अनेक शुभ योगही या दिवशी बनत आहेत. खरं तर, 10 एप्रिल रोजी सकाळी 4.31 ते 6.01 या वेळेत रवि योग असेल. यानंतर सुकर्म योग आणि रविपुष्य योग, सर्वार्थ सिद्धी योग रात्री १२.०४ पर्यंत दिवसभर राहील. अशा स्थितीत दिवसभरात कधीही हवन करता येते.
हवन साहित्य
हवनकुंड, आंब्याचे लाकूड, तांदूळ, काळे तीळ, जव, साखर, गाईचे तूप, सुपारी, सुके खोबरे, कालव, लवंग, वेलची, कापूर,
ग्रहदोषातून मुक्तता मिळते
जर तुमच्या जीवनात ग्रहदोषांची समस्या असेल, तर तुम्ही हवन केले पाहिजे. हवन केल्याने ग्रहांची स्थिती शांत होते. ग्रहांशी संबंधित असलेल्या दिवशी संकल्प करुन अकरा किंवा एकवीस दिवस उपवास ठेवून पूर्णाहुती अर्पण केल्याने सर्व दुःख दूर होतात. हवन केल्यानंतर ब्राह्मणांना जेवायला द्या. यानंतर पैसे आणि कपड्यांचे दान करा.
संबंधीत बातम्या
Gunratna Sadavarte: सुरक्षेत चूक ठेवणाऱ्या अधिकाऱ्यावर कारवाई करणार; दिलीप वळसे पाटील यांची माहिती
Jalgaon Murder : जळगावमध्ये दगडाने ठेचून एकाची हत्या, गेल्या पंधरवड्यातील चौथी घटना
