Shrimant Dagdusheth Halwai Ganapati Visarjan 2022: पुढच्या वर्षी लवकर या! श्रीमंत दगडूशेठ हलवाई गणपतीचं विसर्जन

पुणे : गणेशभक्तांसाठी आज अतिशय भावनिक दिवस आहे. मागचे 10 दिवस आपल्या लाडक्या गणपती बाप्पाची सेवा केली. त्याच गणपती बाप्पाचं आज विसर्जन केलं जातंय. त्यामुळे गणेशभक्त भावूक झाल्याचंही पाहायला मिळतंय. आता प्रसिद्ध श्रीमंत दगडूशेठ हलवाई गणपतीचं विसर्जन (Shrimant Dagdusheth Halwai Ganapati Visarjan 2022) झालं. यंदा उशिरा दगडूशेठ गणपतीची मिरवणूक निघाली. यंदाची मिरवणूक उशिरा निघाली मात्र भाविकांमध्ये उत्साह कायम होता. साडे दहाच्या सुमारास ही मिरवणूक अल्का टॉकिज परिसरात आली. तिथे नागरिकांनी गणपतीचं दर्शन घेतलं. त्यानंतर मिरवणूक पुढे सरकली. अन् अखेर श्रीमंत दगडूशेठ हलवाई गणपतीला पांचाळेश्वर घाटावर निरोप देण्यात आला. महापालिकेने तयार केलेल्या कृत्रिम हौदात बाप्पाचं विसर्जन पार पडलं. यावेळी गणेशभक्त भावूक झाले होते.