Hanuman Jayanti 2023: वर्षातून एकदाच हनुमान जयंतीला करा हे उपाय, सर्व संकटांपासून राहाल दूर

मुंबई : हनुमान यांना कलियुगातील जागृत देवता मानले जाते. हनुमान जयंती संपूर्ण देशात साजरी केली जाते. या दिवशी हनुमानाची उपासना करुन तुम्ही त्यांचे आशीर्वाद सहज मिळवू शकता. जाणून घ्या कोणते उपाय आहेत. ज्यामुळे तुमच्या व्यवसायात भरभराट होईल आणि तुम्हाला प्रत्येक संकटातून बाहेर काढता येईल.

हनुमान जयंती चैत्र शुक्ल पौर्णिमेच्या दिवशी साजरी केली जाते. यंदा 6 एप्रिल रोजी हनुमान जयंती साजरी होणार आहे. या दिवशी हनुमानजींची विशेष पूजा केली जाते. हनुमान जयंतीचे हे उपाय विशेष फळ देणारे आहेत. हनुमान जयंती 2023 पासून प्रत्येक मंगळवारी हे उपाय केल्यास हनुमानजी सर्व मनोकामना पूर्ण करतात आणि सर्व संकटांपासून दूर करतात.

1. मानसिक तणाव दूर करण्यासाठी : जर एखाद्या व्यक्तीने हनुमान जयंतीच्या दिवशी मानसिकदृष्ट्या कमकुवत व्यक्तीची सेवा केली आणि नंतर दर महिन्याच्या एका मंगळवारी सेवा केली तर त्या व्यक्तीला बजरंग बलीचा आशीर्वाद मिळेल आणि मानसिक तणावापासून सुटका होईल.

2. नकारात्मक शक्तींपासून संरक्षण : हनुमान जयंतीला 11 वेळा सुंदरकांड किंवा हनुमान चालिसाचा पाठ केल्याने हनुमानजी भक्ताचे सर्व दुःख दूर करतात आणि आजूबाजूच्या नकारात्मक शक्तीचा नाश करतात.

3. सुख-समृद्धी : हनुमान जयंतीच्या दिवशी बजरंगबलीला सिंदूर अर्पण करा. गूळ, हरभरा आणि बुंदीचा प्रसाद वाटा. सिंदूर अर्पण केल्यानंतर हनुमानजींच्या खांद्यावरून थोडे सिंदूर घेऊन हृदयावर लावावे. यामुळे सुख आणि समृद्धीचे दरवाजे उघडतात.

4. अपघात टाळण्यासाठी : हनुमान जयंती आणि नंतर वर्षातून एकदा मंगळवारी रक्तदान केल्यास अपघातांपासून दूर राहाल असा विश्वास आहे.

5. शुभ फळ : जीवनात शुभता आणण्यासाठी, व्यक्तीने हनुमान जयंतीपासून प्रत्येक मंगळवारी ओम क्र क्रा क्रा सह भौमाय नमः मंत्राचा जप करावा.

6. शत्रूपासून मुक्ती मिळवण्यासाठी : शत्रूपासून मुक्ती मिळवण्यासाठी व्यक्तीने हनुमान जयंतीला हनुमानजींना देशी तुपासह पाच भाकरी अर्पण कराव्यात.

7. व्यवसाय वाढीसाठी : जर एखाद्या व्यक्तीला व्यवसाय वाढीमध्ये अडचणी येत असतील आणि त्याला व्यवसाय वाढवायचा असेल तर हनुमान जयंतीच्या दिवशी बजरंगबलीला सिंदूर रंगाचा लंगोट अर्पण करा.

8. आकस्मिक संकटापासून मुक्ती : अचानक आलेले संकट टाळण्यासाठी हनुमान जयंतीच्या दिवशी मंदिराच्या शिखरावर लाल ध्वज फडकावा.

9. शक्ती वाढवण्यासाठी : गती आणि शक्ती वाढवण्यासाठी व्यक्तीने हनुमान जयंतीच्या दिवशी हनुमान चालीसा, बजरंग बाण, सुंदरकांड, रामचरितमानस, रामरक्षा स्रोत पाठ करावे.

10. नोकरी-व्यवसायात प्रगती : हनुमान जयंतीच्या दिवशी 108 तुळशीच्या पानांवर रामाचे नाव लिहून त्याची हार बनवून हनुमानजींना अर्पण करा. यानंतर मोहरीच्या तेलाचा किंवा तुपाचा दिवा लावा आणि हनुमान चालिसाचे पठण करा. त्यामुळे पैसा आणि धान्याची कमतरता भासणार नाही आणि नोकरी-व्यवसायात प्रगती होण्याची शक्यता आहे.